wincikan sipat dua puluh

[22/11 21:52] aji rasha: NGAWINCIK 

SIFAT DUA PULUH 

Kalawan make umpama 

 

nyaeta  

Wujud, 

Qidam, 

Baqo,  

Mukholafatu Lilhawadist  Qiyamuhu Binafsihi  

Wahdaniat. 

Qudrat

Iradat, 

Elmu 

Hayat. 

Samma 

Bassar  

Qalam. 

Qodiran, 

Mudiran. 

Aliman, 

Hayan. 

Sami’an, 

Basiran  

Mutakalliman, 

eta sifat dua puluh, 

nya dibagi opat, 

Nafsiah 

Salbiah. 

Ma’ani , 

Ma’nawiyah 

naon nyatana anu puguh, sifatna di urang, 

anu ngaran Nafsiah teh

Nafsiah teh enggeus tangtu, pangambung nyatana, 

kadua 

Salbiah teh, 

nyaeta paninggal 

urang sifatna. 

tilu Ma’ani 

pangdangu sifatna, 

di urangna teu geseh, 

kaopat Ma’nawiyah 

Nyatana di badan urang sakujur, pangucap teu salah, sifatna baham urang teh, 

anu matak disebatkeun Ma’nawiyah.

[22/11 22:08] aji rasha: Nyaeta tukang ngama’naan anu tilu sifat, 

hiji pangdangu 

kadua paninggal  

katilu pangrungu, 

ngama’naan eta, 

meureun kangaraos, 

lamun urang parantos ngangseuan minyak. 

Saupami ditaros ku batur, nanyakeun angseuna, 

seungit bauna minyak teh, naha naon anu

nembalannana. 

Naha baham atawa pangambung, 

anu ngajawabna, raina 

tangtos bae baham 

anu nembalannana. 

80. sidik eta puguh, 

tukang ngama’naan, 

baham teh 

geus hanteu geseh, 

nyaeta 

tukang mere katerangan. 

nerangkeun beunang gawe anu tilu, 

beubeunangan soca, 

anu aneh atawa awon, beubeunangan cepil tea. 

Naon wae sowara anu kadangu, nu nerangkeunnana, gulung ku pangucap bae, 

anu mawi disebatkeun Ma’nawiyah. 

kantun eta nu 

dua puluh basa. 

nya eta anu dingaranan Wujud, 

kumaha hartina, 

sareng naon sifatna teh, tumerapna dibadan urang sapata. 

eta anu ngaran Wujud, hartina teh aya, 

Allah mohal euweuh pasti

tanda aya 

kusabab 

ayana nafas. 

Mohalna teh 

pang aya nafas teh tangtu, mohal bet euweuhna, samangsa aya nafas teh, tangtu bae aya hurip 

hanteu salah. 

Mangsa-mangsa aya hirup enggeus tangtu, 

mohal euweuh Allah, 

sabab 

sifatna hirup teh, 

tina dzatna sifatna 

Allah ta’ala. 

Qidam  

eta pihartieunnana. 

Allah ti heula teh, 

mohal enya Allah kapandeurian. 

Sareatna nyata 

dibadan sakujur, 

sifatna teh soca, 

awas soca ti heula teh, 

sabab eta nu 

ngabuktikeun sifat. 

kumaha numawi kitu, 

anu pangheulana, 

disebat panon, 

na kumaha dina nyatana di badan sakujur

rasakeun baheula, 

waktu keur goib keneh, 

memeh gelar ngumbara 

ka alam dunya. 

Rama sinarengan Ibu, 

Rama masih bujang, 

Ibu ge parawan keneh, 

barang tepang geus tangtu patinggal-tinggal.

Saparantos pada awas 

Ama Ibu, jorojoy manahna, dua-dua ting sereset, 

jadina teh ngajodo 

geus moal lepat. 

Sanggeus nikah geus disahkeun ku kaum, 

parantos nikah mah, 

tangtos bae sapatemon, 

dua rasa jadi hiji moal lepat. 

Saparantos rasa 

Ama Ibu gulung, 

gerentel beh urang, 

eta geuning geus eces, 

pang disebut 

panon pangheulana.

[22/11 22:26] aji rasha: Baqo 

langgeng Gusti Allah, 

hanteu keuna ku ruksak hanteu owah teu gingsir 

Allah ta’ala. 

nyaeta dzat Allah, 

eta sidik nu langgeng 

hirup eta kagungan 

Allah ta’ala. 

Mukhalafatuhu, Lilhawaditsi 

hartina eta 

beda-beda Allah 

sareng nu anyar  

mohal enya Allah 

sami jeung nu anyar. 

kumaha bedana, 

Allah sareng nu anyar teh,  

kieu bilih can mafhum, 

kapan geus kawentar, 

ku sadaya ahli ngaos, 

Gusti Allah 

ninggal teu kalawan soca. 

Ngadanguna teu kalawan cepil kitu, 

sumawon nyaurna, 

hanteu kalawan jeung lambe, 

kitu bedana mah. 

Seueur deui bedana lian 

ti kitu, panjang mun didadar, moal seep ku sapoe, 

sakitu ge meureun  karasa. 

Qiyamuhu Binafsihi  

hartina, 

Gusti Allah 

jumenengna ku anjeuna. 

Mohal aya nu ngistrenan  cacakan nu anyar, 

geuning bet hanteu ngaraos, badan urang didamel 

ku Ibu Rama. 

Najan Ibu Rama oge 

dina waktu, 

rek patemon rasa, 

teu boga tekad rama teh, 

ku sangaja niat rek midamel putra. 

Geuning sidik jumeneng 

ku anjeun kitu, 

ngan ari urang mah, 

jeung kalawan kersana , 

Gusti Allah 

ngalantarankeun ka Rama. 

kitu sareatna mah ti Ibu, 

ari hakekatna, 

estu kersana Yang Manon, 

nya eta wenangna 

Allah ta’ala. 

Wenang pisan 

Gusti anu Maha Agung, ngajadikeunnana, 

jeung wenang henteuna oge, tatapina maot 

mah geus wajib pisan. 

Wahdaniat. 

eta 

sah Dzatna 

sah Sifatna 

sah Asmana 

sah Af’alna.

[22/11 22:37] aji rasha: pasal Wahdaniat  

tumerapna dinu opat, 

dina 

baham 

soca 

cepil, 

pangangseu 

anu merwincikna kieu  

dina pangambung, 

dzatna  pangngseu  

sahna teh moal rek cidra, mun ngangseu minyak nu seungit, tetep seungit diakuna, moal bet pahili deui 

sah sifatna  

naon nu diangseu pasti, 

sah Asmana, 

boh bau boh seungit, 

moal sulaya ngarana, 

bau hangru pahang 

seungit. 

sah Af’alna 

sasat sah gawena deui, geuning pangangseu teh 

nyata, tara daekeun pahili, 

nu bau tetep bauna, 

mun seungit tetep seungit. 

Misah- misah bae tangtu, 

tah kitu sahna teh 

sanajan munguh 

di soca, 

sah dzat teh awasna pasti, sah sifatna oge nyata, 

naon anu katingali. 

Boh hideung beureum 

boh wungu, 

sakur sifat anu bukti, 

sah asmana  

kumaha dina sifatna, 

bet tara sulaya deui. 

 

qudrat, 

kieu pihartieunnana, mungguhing 

qudrat Yang Widi. 

 

Qudrat teh kawasa kitu, 

tatapi kawasa Gusti, 

hanteu kalawan pakakas, 

hanteu jeung parabot deui, tah kitu hartina qudrat, 

kumaha pangawasana, 

pang teu jeung parabot 

kieu rai mun can harti. 

Upami urang keur nuju, 

boga maksad hiji rupi, 

naon bae nu diseja, 

saperti rek nyieun bumi, samemeh prak dipilampah, tangtu ku urang dipikir. 

Kumaha kahayang kalbu, rupana eta si bumi, 

boh panjangna bohpondokna, sumawon majuna deui, 

ka kaler boh ka wetanna, kamarna pon kitu deui. 

Diatur-atur ku kalbu, dicipta-cipta ku ati, direrengga ku kahayang, 

sangkan sieup eta bumi, upami enggeus kacipta, 

kana pisaeeun eta bumi. 

Lamun kitu tangtu luyu, 

da geus kacipta ku ati, geuning eta nyata, 

geus ngadeg dijero ati, 

kana pirupaeunnana, 

sae awon eta bumi.

[22/11 22:47] aji rasha: Iradat, 

Iradat mah, 

Allah teh sifatna kersa, 

kapan bukti anu tadi, 

eta bumi geus katinggal, 

nu ngadeg na jero ati. 

Kantun ayeuna mah atuh, jadikeun kersa teh, 

rek midamel bumi tea, 

hakekatna mah geus jadi, ayeuna kantun sareat, buktikeun Iradat na 

rek midamelna teh bumi, moal cara Gusti Allah, 

teu kalawan parabot deui, 

Urang mah kudu sadia, nyadiakeun bahan bumi. 

Tihang kenteng jeung pamikul, palang dada cemped bilik, usuk 

darurung jeung sarang, sumawon bedog ragaji, tatah baliung jeung rimbas, palu gegep sugu deui. 

sifat Ilmu 

sifat Ilmu urang wincik, 

ari Ilmu eta, 

ngahiji jeung Hayat pasti, sabab, 

Ilmu jeung Hayat ngahiji. 

sabab Ilmu, 

hartin nyaeta kanyaho, 

ari Hayat

caang pasti, 

tah eta kitu sundana, 

numawi pasti ngahiji. 

Sabab kanyaho teh tangtu, dina caang eta pasti, 

da moal aya katerang, 

lamun poek buta rajin, 

sabab ari kanyaho mah, 

dina caang bae sidik. 

Dohir batin oge kitu, 

moal beda tangtu sami, dohirna lamun di dunya, 

kumaha bisa ninggali, 

lamun hanteu aya caang, piraku boga pamanggih. 

Aya kanyaho teh tangtu, 

ku caang eta geus pasti, caang katinggal ku soca, soca ieu anu jirim, 

bagian kajasmanian, 

caang tina matahari. 

Elmu batin oge kitu, 

sing sidik ‘ainal yakin, 

sing tepi kana caangna, 

caang ilmu sing kapanggih, tapi 

lain caang beurang, 

caang dina jero ati. 

Katinggali na teh 

kudu nyata ku panon ati, 

dina keur waktu tarekat, 

mujasmedi ka Yang Widi, sidakep sinuku tunggal, nununggu sihing 

Yang Widi.

[23/11 06:14] aji rasha: Samma

Allah ngadangu, 

tapi teu kalawan cepil, 

Bassar  

Allah uninga, 

teu kalawan soca 

Kalam 

Allah ngandikana, 

tapi teu kalawan biwir. 

sangkan kaharti,

jeung karasana, 

Allah  

ninggali,teu ku soca, 

ngadanguna teu ku cepil. 

udag anu tujuh basa, 

sifat dua puluh tadi, 

Qadiran  

Muridan  

Aliman 

Hayan 

Sami’an, 

Basiran  

Mutakalliman, 

tah eta masing kaberik. 

Kieu eta anu tujuh, 

hartina sahiji-hiji, 

mimitina teh 

Qadiran, 

 kawasa Gusti, 

Muridan 

Kersa Allah, 

Aliman 

uninga Gusti. 

Hayan

hirup, 

nyaeta hirupna Gusti, 

Sami’an 

ngadangu Allah, 

Basiran 

Allah ninggali, 

Mutakalliman, 

Allah nu ngandika  

Sabab eta anu tujuh, 

aya nyatana di diri, 

aya dibadan sapata, 

mun kapanggih tangtu hasil, kabuka hijabna Allah, kabingung tangtos leungit. 

Malah-malah mun, 

kapanggih nu jutuh tadi, sifat-sifatna kapendak, 

dina sakujuring diri, 

tapi sageusna kapendak, tarekatna pek pilari. 

Mun tarekatna kasusul, tanwande Ma’rifat jati, 

kana dzatna Gusti Allah, 

nu caang sajero ati, 

carek babasan jawa mah, teangan sajero dzikir. 

Nu kaya dilah gumantung, kaya sarangenge bijil, gumantung tanpa cantelan, kitu ceuk babasan jawi, 

tatapi lamun kapendak, jasmani tangtuna sepi. 

Rasa moal boga wujud, kagenten ku warna rupi, nyaeta nu tadi tea, 

nu kaya sarangenge bijil, kaya lintang karahinan, 

tur kaya emas sinangling. 

mun geus kitu, 

kakara tangtu mangarti, 

kana Nafi sareng Isbat, 

karasa sareng kapikir,

mun teu acan kapendak, kumaha bisana harti. 

Malah dalil 

Antal Mautu, Qoblal Mautu kapanggih, 

hartina bisa ngarasa, 

paeh samemeh mati, 

paeh memeh pupus, 

naon nana anu mati, 

mun nyawana anu wafat, atuh moal balik deui, 

gumelar deui ka dunya, 

kade kaliru, 

sanes nyawana anu mati, sategesna rasa nyawa, 

nu paeh sama sakali, 

ari rasa nyawa eta, 

sategesna nafsu dohir. 

Dina waktu eukeur kitu, 

teu inget ka anak rabi, sumawon ka harta banda, 

diri ge teu kapieling, 

wungkul cengeng ka 

dzat Allah, 

ninggal ku sajero ati. 

Kitu tah mafhumna eta 

nu saperkawis, 

nu kadua perkawisna, 

kudu ngersakeun misti, 

dina nyerina sakarat, 

jalan paeh ke di akhir.

[23/11 06:41] aji rasha: ceuk basa karuhun, 

ka anakna ngaweweling, 

he barudak kudu bisa, nganjang ka pageto misti, supaya maneh waluya, sangkan lampah ati-ati. 

Geura pek pikira, 

eta saur sepuh tadi, 

nu bener kabina-bina, 

geuning ayeuna kapanggih, bet aya dina hadisna, babandingan basa tadi.  

Nyaeta 

Antal Mautu, Qoblal Mautu kapan teu beda maksudna, kudu paeh memeh mati, sihoreng sangkan baroga, kasieun engke di ahir. 

mun geus ngarasa pupus, sasat geus ngarasa nyeri, ngarasa rasa sakarat, 

piraku rek liwar teuing, ngajujur laku ma’siat, 

da aya kasieun pasti. 

nambahan kana suhud, milampah parentah Nabi, rukun Islam anu lima, 

tah kitu jadina , 

Nagara ge tangtu aman, sabab geus boga pamilih. 

Mun geus junun 

ka Yang Agung, 

laku dohir ge dipilih, 

moal sagala disorang, memeh prak tangtu dipikir, tangtu dianjangan heula, dicipta-cipta ku ati. 

Ibaratna karep nafsu, 

niat hayang maling duit, barang-barang upamana, 

lamun urang inget tadi, 

kana saur sepuh tea, 

yen kudu inget di ahir. 

Nganjang kapageto kudu, tangtu ku urang dipilih, 

naha kumaha jadina, 

lamun nurut nafsu tadi, maling banda anu lian, salametna jeung balai. 

leres kahartos teu, 

bener mun geus kitu 

mah, 

nafsu goreng teh kajaring, sasat geus aya pagerna, 

nu kuat kaliwat saking. 

sifat dua puluh tea,  

dibagi deui ku opat, 

Nafsiah, 

Salbiah 

Ma’ani 

Ma’nawiyah  

Nafsiah nyaeta nafas, 

sifatna irung nu bukti. 

Salbiah paninggal 

sifatna soca nu bukti, 

Ma’ani pangdangu , 

sifatna nyaeta cepil, 

Ma’nawiyah teh pangucap, sifatna baham pasti. 

nu opat tadi,bagian nana,