rohman rohim na gusti maha suci

[24/11 08:30] aji rasha: NERANGKEUN 

RAHMAN – RAHIM 

Murah jeung Asihna 

nyatana dina badan. 

mun murah Gusti Maha Suci, ku perkara hal dunya barana, naha atuh buktina teh, 

bet beda-beda kitu, 

aya nu beunghar 

aya nu miskin, 

nu senang nu susah, 

jadi lmun kitu, siga-siga 

Gusti Allah, pilih kasih 

hanteu kasadaya jalmi, murahna dipilihan. 

Malah-malah ka 

umatna Gusti, ka umatna Jeng Nabi Muhammad, 

nu kacida bedana teh, seuseueurna anu ripuh, 

tina hal kurangna rizki, 

teu sapertos sejen bangsa, hirupna jaregud, 

mungguhing di bangsa Islam, 

hanteu weleh nandangan 

lara prihatin, 

hirupna hirup sangsara. 

pan tadi Gusti Maha Suci, murahna teh ka kabeh makhlukna, 

tapi dina buktina teh, 

teu cocog hanteu luyu, 

tur tadi Muhammad Nabi, 

cenah kakasih Pangeran, sagala diturut, 

naha buktina salia, 

ari bangsa sejen nu sanes Agami, 

bet siga marulya pisan. 

ulah rek kaliru manah, 

sirik ka bangsa nu sejen, hirupna jeregud, 

naha can ngaharti kitu, 

dina kamurahan Allah, 

ka sadaya makhluk, 

nu geus nyata bro sapisan, geus tumiba ka diri urang pribadi, 

naha can ngarasa kitu. 

Nu sakitu Gusti Maha Suci, ngamulyakeun ka makhluk-

makhlukna, 

tayakakuranganna teh, 

geus bro sarta cukup 

jeung teu pilih kasih deui, 

sanajan ka hewan pisan, geus dibere cukup, samrtabat-martabatna, 

mangga atuh dipiwarti, 

mana kamurahan Allah. 

bisi rumaos can tepi, 

kana eta palebahan dinya, 

bisi masih poekeun, 

margi tacan karasa, 

kapan aya basa tadi, 

moal enya terang, 

lamun tanpa Guru, 

kedah basa Guru heula, sabab tadi Guru teh 

nu geus dipasti, 

tuduh jalan marga padang.

mangga urang dadarkeun

ayeuna mah supaya jelas

kamurahan na Yang Manon, nu tumiba dina wujud,

[24/11 08:44] aji rasha: nya eta maparin nggahota, panangan jeung suku, pangangseu jeung paninggal, jeung pangdangu pangucap eta geus bukti, 

budi pamilih jeung akal. 

 

tah sakitu pokna ti Gusti, kamurahan ka urang sadaya, papak sadayana oge, 

lain murahna Yang Agung, sok maparinan rizki, 

rupa barang sareng uang, 

eta lain kitu 

ari pasal rezeki mah, 

tangtu bae beda-beda 

moal sami, 

aya nu leutik 

aya nu loba. 

Da perkawis rizki mah, 

nya kumaha

ngagolangkeunnana, 

eta nggahota bae, 

mun urangna suhud, 

temen wekel teu lanca linci, 

metakeun nggahota, 

sageuy hanteu untung, 

piraku teu jadi senang, 

tapina jalanna senang teh pasti, 

kudu daek ripuh heula. 

papalayeun geuning 

bangsa asing, 

bangsa Cina atawa Walanda, bangsa Arab Japan oge, baleunghar jaregud, 

sarugih laksaan duit, 

ku bakating tina suhudna, daek nyorang ripuh, 

temen wekel teu bengbatan, nya metakeun kamurahan 

nu ti Gusti, 

daek mikir jeung praktekna. 

Mana pantes 

jadi sugih mukti, 

beurat beunghar didunyana, da tara bosen ku hese, 

tara hoream ku ripuh, dikeureuyeuh teu lanca inci, mun can hasil maksad, hanteu weleh ngatur, 

beurang peuting dipikiran, 

lila-lila daek mikir mah geus pasti, tangtu bisa kajadian. 

pan tadi geuning unggel Hadist, dalilna teh 

geuning sok disebat, 

sadaya ge pada ngartos, dawuhan Gusti Yang Agung, 

Waman Thalaba Saian 

Jiddan Fawajiddahu, 

hartina teh 

saha-saha, anu temen pang mentana ka Yang Widi, 

menta kalawan jeung

prakna. Tangtu pisan 

Gusti Maha Suci, 

ka jelema temen pang mentana, awal akhir tangtu bae, dikabulkeun samaksud, sabalikna mun aya jalmi, 

kurang temen mentana, sasat kurang suhud, sumawon teu jeung prakna, 

migawena gancang bosen embung mikir, bosen hoream ku bangga. 

Atuh Gusti nu Maha Suci, moal enya ngabulkeun kahayang, da urangna 

lanca-lence, 

tah eta kitu, 

numatak ulah sok sirik, pedah batur jadi senang, baleunghar jaregud, 

komo ditungtungan ku sugal, nyebut-nyebut ka Gusti Allah teu adil, tur urang nu salah tampa. 

Ayeuna perkara

asihna Yang Agung, 

cenah asih di Akherat, 

tah eta ari tacan ngaharti, 

kieu eta teh, 

asihna teh Allah di Akherat, piraku teu karaos, 

pek papay heula atuh, Akherat teh naon , 

nyatana di badan urang, 

akherat teh nyata 

alam rasa, buktina mah 

di urang teh, 

ayeuna meureun kamafhum, pang asihna di Akherat Gusti,

[24/11 08:51] aji rasha: piraku teu karasa, 

asihna Yang Agung, 

ieu alam dohir, 

boh di cai boh di darat. 

Anu amis anu pelem 

nu pait nu asin 

nu lada nu gahar, 

kamana sumurupna teh, 

bener asup kana rasa, 

jalanna mah puguh, 

nya kanu opat tea, 

di tampana ku rasa 

teu lepat deui, 

bener asihna teh Allah. 

tah ning kaharti, 

puguh bae pek geura manahan, 

kayaan di dunya teh, cucukulan nu rarentul, 

rupina laksaan keti, sinarengan beda-beda, rasana geus tangtu, 

taya deui anu nampa, 

anging rasa nya 

rasa rasulullahi, 

bakat ku asih-asihna. 

1.hakna Yang Agung,  

2.Hak Muhammad  

3.hakna Adam, 

tah eta kumaha pernahna kumaha gulungna .