islam

[26/11 18:17] aji rasha: NERANGKEUN 

Rukun Islam 

Sare’atna 

Hakekatna 

Tarekatna, 

Ma’rifatna. 

rukun Islam nu lima perkara, dina hiji perkara teh, opat-opat geus tangtu, 

dina sahiji perkawis, 

saperti dina 

Syahadat, 

opat pangkal, aya 

sare’at hakekat

tarekat ma’rifatna 

Sholat opat perkara. 

aya sare’at hakekatna, tarekat ma’rifat ,  

Zakat 

Puasa Hajina, 

opat-opat kitu,

[26/11 18:27] aji rasha: Syahadat teh 

ngucap, 

ngucapkeun kalimah roro, enya eta 

Asyhadu Anlaa Ilaaha Illallohi,Wa Asyhadu Anna, Muhammad Rosulullohu, 

eta Syahadat sare’at, 

hakekatna ngaran Syahadat hirup eta tegesna. 

Tarekatna Syahadat teh, 

dina waktu Shalat sajatina, keur tajali ka Yang Manon, 

ma’rifatna mah 

sing ngarasa kaangliputi, 

nu moncorong lintang Johar, caang padang alus, 

nya eta dzat sifat Allah, 

 

naha atuh mana nanya bet tepi kadinya, da iyeu  mah taya sanes, mung isin ku Yang Agung, 

mun nyumputkeun ilmi, 

da aya hukumannana, 

mun sumput salindung, 

tur aya nu naros pisan, goreng temen mun dibunian, turug-turug ku Ikhwan. 

aya nu dibuni-buni, saperkawis anu hanteu beunang, diterangkeun kanu sanes, nu sanes saikhwan kitu, nyaeta tarekat ilmi, 

sabab eta mah titipan, 

Nabi Wali kitu, sabab lamun samarangan, diterangkeun 

ka jalma nu lain-lain, 

doraka Dunya Akherat. 

Sarta matak pecat iman Gusti Allah moal rek narima, ibadahna najan getol, 

dila’nat geus tangtu, disamikeun jeung Idajil, sakumaha mujina, 

ka Allah nu Agung, 

tetep moal dihampura, 

tetep bae keur eusi Naraka langgeng teu aya putusna. 

Rukun nu kaduana teh, 

Sholat  

naon sare’atna hakekat  

tarekatna, ma’rifat 

sareatna Sholat eta.

[26/11 18:32] aji rasha: NERANGKEUN 

Sare’at Hakekat 

Tarekat, Ma’rifat 

Sholat (Sembahiyang). 

Sareatna Sholat , 

nya eta nangtung ruku  

              sujud lungguh 

bukti ‘aen, 

hakekatna puguh, 

Alif Lam Lam He  

nyaeta lafad Allah, 

teu salah kitu, 

tarekatna Sholat, 

tetep bae dina keur 

Sholat sajati, 

Tajali ning Dzattul Mutlaq. 

Ma’rifat 

kudu kapanggih, sareng eta Nur Muhammad , 

ka cahya opat 

sing ‘aen, 

Narun 

Hawaun 

Maun,

Turobun , 

eta nu ngaran Sholat, 

memeh awang uwung, 

tah eta anu geus aya, 

nu matak 

Sembahiyang teh wajib, sabab asal tina Shalat. 

Zakat 

anu geus kamayhur, 

naon sare’atna hakekat tarekatna, ma’rifat,

[26/11 18:35] aji rasha: NERANGKEUN 

Sare’at Hakekat 

Tarekat, Ma’rifat 

dina Zakat. 

rukun Islam Zakat  

sare’at mah geus umum, hajat pare atawa duit, ditarima ku jalma, 

fakir miskin kitu, 

hakekatna, 

kudu bae urang ngazakatkeun diri, 

ka Gusti Allah Ta’ala. 

Tarekatna nya kudu Tajali, 

ma’rifatna sing bisa ngarasa, ilangna jasmani kabeh, 

tanda ditarima kitu, 

ku Gusti nu Maha suci, 

tah kitu sahna teh Zakat, 

ulah rek kaliru, 

lebetkeun ka jero manah, supayana jadi bisa tohid, pasal dina sahna Zakat.

[26/11 18:40] aji rasha: NERANGKEUN 

Sare’at Hakekat 

Tarekat, Ma’rifat 

dina Puasa. 

Hal Puasa  

sare’atna kapan geus ilahar, dina bulan Ramdhan tangtos, tilu puluh dinten tutup, 

hakekatna  

kudu nahan nafsu hawa, 

ulah rek diturut, 

temahna matak cilaka, 

tarekat 

nya gulung dina Tajali, 

ma’rifatna. 

Kudu panggih 

jeung Ramdhanna , 

nya eta jeung saperti bulan, lir bulan pat belasna teh, 

paingan disebut, 

Puasa di bulan Ramedhan, yen urang kudu ninggali, 

lir bulan opat belasna. 

Munggah Haji,

[26/11 18:43] aji rasha: NERANGKEUN 

Sare’at Hakekat 

Tarekat, Ma’rifat 

dina Munggah Haji. 

sare’atna Haji, 

nu geus lumbrah 

nya jarah ka Mekah,

Baitullah nu dijugjug teh, 

hakekatna, 

ngalebur dosa nu tadi, 

tarekatna

dina eukeur waktu Tajali tea, 

ma’rifatna 

kudu ngarasa ngahiji, 

jasmani jeung rohanina. 

rukun Islam anu lima tea, sabaraha jumblahna teh, opat-opat hiji rukun, 

atuh lima kali opat, 

jadi dua puluh, 

ning eta sifat dua puluh 

sifatna Allah Ta’ala.

[26/11 18:46] aji rasha: sihoreng teh dua puluh sifat, asalna ti Islam kabeh, 

Lebah mana Gusti Maha Suci, maparina nyawa ka manusa, sabab keur jaman dikandung, ku Ibu salapan sasih, 

waktu harita, 

karek hirup wungkul, 

nteu acan aya nyawa, 

hirup suci 

tandana geus bisa usik, karaos ku Ibuna.

[26/11 18:57] aji rasha: NERANGKEUN 

Gusti Allah Maparinna 

Nyawa ka Manusa. 

Gusti Allah maparinna nyawa, dina waktu Ibu ngowo, barang gubragna turun, 

ti Batin ka alam Dohir, 

tepungna Hawa nu dua, 

hawa Batin tepung, 

kontak sareng hawa Dunya, 

kajadian jadi nafas budak, nya eta ngaranna 

nyawa. 

Tiap-tiap aya nafas pasti, tangtos barengna jeung rasa, sabab hakekatna nyawa teh, nyatana rasa kitu, 

da buktina waktu dijero 

mah tadi, 

orok teu aya nafasna. 

ning hirup ciri bisa usik, 

sidik pisan hirup suci mah, hanteu kalawan nafas, 

ayeuna mah leres kitu, 

hirup teh jeung nyawa sidik, nya eta sifatna nafas, 

nafas teh bareng jeung rasa. 

Tapi waktos tadi lahir, 

barang gubrag tina 

Guha Garba, 

teu ngaraos naon-naon, 

tapi ceuk tadi 

rasa teh bareng ayana nafas 

lamun enya teu aya rasa  orok moal gogowakan. 

Tangtu pisan pang orok 

teh ceurik, 

tina sabab geus aya rasa, tiris buktina ngadegdeg, hukuman ti Yang Agung, turut-turut asal tadi, 

tina bibitna manusa, 

Adam Hawa , 

kapan Adam teh ceuk kitab, pangna lungsur ka 

alam Dunya teh ning, meunang bebendon ti Allah. 

Nya dibuang ka alam Dohir, tina sirna 

ngajadi teungeunah, 

barang gubrag ka Dunya teh, nangis bakating kaduhung, Adam Hawa jerat-jerit, 

ku tina raos teu ngeunah, 

ti Sawarga turun, 

asal bungah jadi susah, 

nu matak orok ge ning ceurik, tara gubrag seuseurian. 

sidik nyakitu pisan, asalna orok ceurik teh, 

sasakala Karuhun, 

jeung karasa dibuang teh yakin, jadi lamun anu wafat, masih aya dumuk, 

nyawana masih di Dunya, sasat tacan kaluar 

ti hukum Gusti, 

paingan marakayangan. 

Tanda tacan dileupas ti bui, masih tetep 

keur dina hukuman, 

tacan bisa meunang pones, pones lepasan ti hukum, tetep hanteu meunang bijil,

[26/11 19:04] aji rasha: sabab tina teu bisa, ngadeuheusan kitu, 

kanu boga pangadilan, 

neda ampun tina dosa 

nu tadi, teu pisan boga akal. 

pan ning di Dunya ge bukti, lamun urang meunang hukum beurat, 

geuning kawidian apel, 

tapi apelna, 

ulah make surat deui, 

leuwih hade ngadeuheusan, payuneun nu Agung, 

jeung sing bener caritana, 

neda ampun 

moal rek sakali deui, 

migawe kitu lampah. 

Ulah ampun ditukangeun 

teu ngadeuheus

kapayuneunnana, 

ka karatonna Yang Manon, tegesna ka dzat Yang Agung, Baetullah anu sajati, 

nu teu dikulon diwetan, dikaler di kidul, 

eta tempat pangadilan, 

nu sampurna 

nya sifat Ghofurur Rohim, tempat ngahampura dosa. 

Mun di Dunya pangadilan 

nu langkung sampurna, 

atuh bener kitu, 

da moal aya bedana, 

sami bae 

Dunya Akherat , 

aya babandingannana. 

Mun geus terang 

kana dzat Gusti, 

kantun suhud kana ibadahna, kudu khusu tobatna teh, 

ulah kendat sawaktu, dipayuneunnana Gusti, 

Insya Allah dihampura, 

lamun hanteu kitu, 

tangtu nyorang paribasa, beungeut madep 

atina mah jongjon mungkir, Akbarna kamana-mana. 

Mun nu kaya 

Akbarna ka duit, 

mun nu tani 

Akbarna ka sawah, 

palangsiang galeng totos, Sembahiyang teu khusu, 

ka Gusti nu Maha suci, 

eling bae ka sawah, tungtungna teh atuh, 

pujina ge diliwatan, 

da tekadna 

hayang buru-buru tepi, 

kana Aweh Salam tea.

[26/11 21:10] aji rasha: karasa ku badan sorangan, nya osok kitu nya gawe, lamun keur netepan waktu, upami keur resep tani, 

bet Akbar teh clok ka sawah, keur dagang pon kitu deui, Akbar teh bet los ka Pasar, mun keur lacur Akbarna teh bet ka Istri, hanteu khusu ka

Pangeran nalika sholat

tah pang kitu teh ning, pangna Akbar 

sok kamana-mana, 

pantes arek kituna teh, lantaran can ma’rifatu, 

kana Dzat Sifatna Gusti, 

teu puguh nu dikiblatan, 

ngan diwangwang wungkul, dicipta dikira-kira, 

saestuning ngan saukur tuturut munding, 

nuturkeun anu 

nungtunna.

[26/11 21:22] aji rasha: rehna sering sok mendakan, bangsa orok nu rek maot, 

pajar orok mah beresih, 

teu acan aya dosana, 

naha atuh kitu, 

maotna make sakarat, renghap ranjug 

siga nyeri-nyeri teuing, kumaha eta sababna.

pasal eta rai ulah helok ati, pang orok sakarat tangtu, kusabab tadi jalanna, 

waktu gubrag gumelar 

ka Dunya turun, 

jalanna kana Naraka, Narakana Ibu tadi. 

Waktu ngababarkeunnana, kapan sidik Ibuna satengah mati, raosna nyeri

kalangkung, 

malah sok aya nu misan, bakat nyeri seueur 

nu dugi ka pupus, 

tah didinya jalan urang, 

tadi rek turun ka Dohir. 

Balikna ge moal salah, nyorang deui kana jalan 

anu tadi, 

anu matak renghap ranjug, nyorang nanjak upamana, pantes bae nyorang nanjak 

tangtu ripuh, 

cacakan tadi turunna, 

Ibu teh satengah mati. 

Tah kumargi eta, anu matak urang wajib nyiar ilmi, supayana ulah kitu, 

akalna teu aya lian, 

kudu sorang dina ayeuna keur hirup, sing kapanggih jeung ilmuna, 

ilmu sakarat di Dohir. 

Kapan aya ceuk dalilna, 

Antal maotu qoblal maota, tah eta kedah kasusul, samemehna urang hilang, sing ngarasa hilang samemeh pupus, 

ngarasa rasa sakarat, 

karaos nyerina misti. 

Mun disorang ti ayeuna, tangtu bae engke moal nyorang deui, 

ti ayeuna geus ditungtut, unggal poe sakarat, 

sangkan engke lamun geus tepi ka waktu, 

sakarat enggeus beak, 

kantun ni’mat bae pasti. 

Sabab asalna ge ni’mat, 

enya eta ni’mat Ibu Rama tadi, 

dina waktu keur waktos salulut, 

nya buktina wujud urang, balikna ge kudu ni’mat deui 

dina Hadist geus kakocap, ganjarana ti Gusti. 

Nampa sarebueun ni’mat, 

nya sarebu ni’mat Rama Ibu tadi, 

sabalikna urang lamun, 

teu kapendak ilmuna, sarebueun kanyerian tadi Ibu, 

sarebu kalieun babar, 

kitu siksaanna Gusti. 

nya percaya mun kitu mah kahareti, 

pang orok sakarat kitu, 

balik deui ka jalanna, 

waktu tadi memeh kadunya turun, da moal salah mulangna, tangtuna kasampeur deui. 

perkara Rosul,nu genep , naha sami Syahadatna teh nya kitu, saperti anu biasa, Syahadatna Kangjeng Nabi. 

Sinareng dina waktuna, Sholatna teh 

naha beda hiji-hiji, 

naha sawaktu-waktu, 

jeung naon sanyatana, hakekatna di badan urang sakujur, 

tangtu pisan Syahadatna hanteu sami, 

beda hiji-hiji Rosul, 

kitu deui waktuna, 

hanteu sami 

pada-pada boga waktu,

[26/11 21:28] aji rasha: NERANGKEUN 

Rusul nu Kahiji 

Nyaeta Nabi Adam. 

Mimitina Gusti Allah, 

nya ngadamel utusan 

nyaeta Nabi Adam 

nu tipayun, 

kieu Syahadatna, 

Asyhadu anlailaaha Illallohu, Wa asyhadu anna Adam, kholifatullohi . 

Dawuhanna Gusti Allah, maneh Adam dikersakeun 

ku Kami, jadi utusan geus tangtu, 

tatapi maneh ayeuna, 

ulah hayang ma’rifat 

ka Kami 

kanyahokeun bae heula, wujud maneh pribadi. 

Sabab wujud maneh eta, kanyataan ayana Kami pasti, dalilna geus kasebut, Wallohu batinul insan, 

Al insanu dohirulloh, 

tapi maneh ayeuna, 

kudu Sholat maneh misti. 

Nyaeta dua raka’at, 

waktu subuh 

kaluarna fajar sidik, 

ari sababna pang kudu, maneh kudu tumarima, 

boga nyawa boga wujud, 

tah kitu eta asalna, 

mana aya Shalat Subhi. 

kitu asalna teh Sholat Subhi, paingan manusa kudu, Sembahiyang subuh , tumarima boga nyawa sareng wujud, 

ka Gusti nu murbeng jagat,

[26/11 21:32] aji rasha: NERANGKEUN 

Rusul nu Kadua 

Nyaeta Nabi Enoh. 

nu kadua, Gusti Allah ngadamel deui utusan, 

Nabi Enoh 

nu kamasyhur, 

kieu  Syahadatna, 

Asyhadu anlailaaha Illallohu, terasna Wa asyhadu anna, Enoh Habibullah . 

Ngadawuhan Gusti Allah, maneh Enoh dikersakeun 

ku Kami, jadi utusan 

geus tangtu, 

tatapi maneh ayeuna, 

tong hayang ma’rifat 

ka Kami , 

kanyahokeun heula 

denge maneh denge Aing. 

Dalilna Sama-Sami’an, 

jeung ayeuna maneh teh Enoh misti, 

kudu Shalat waktu duhur, lobana opat raka’at, 

sing narima boga dua cepil , 

jeung dua suku geus nyata, 

numatak manusa wajib. 

kudu Sembahiyang, 

tumarima boga cepil dua siki, sinarengan dua suku,

[26/11 21:37] aji rasha: NERANGKEUN 

Rusul nu Katilu 

Nyaeta Nabi Ibrahim. 

Nabi ibrahim

utusannana Yang Agung, 

kieu Syahadatna. 

Asyhadu anlailaaha Illallohu, Wa asyhadu anna Ibrahim  

Halilullahu, 

he maneh Ibrahima, 

ayeuna teh jadi utusan 

geus tangtu, 

tapi maneh montong hayang, hayang ma’rifat ka Aing. 

Kanyahokeun bae heula, paninggal maneh 

nyaeta paninggal Aing, dalilna anukasebut, 

Basar jeung Basiran tea, ayeuna mah pek maneh teh geura sujud, 

kudu Sholat pat raka’at, 

Asyar waktuna pasti.

Sabab maneh ngabogaan, boga panon dua siki 

geus bukti, 

jeung leungeun kenca katuhu, 

kitu eta asalna, 

pangna aya Sholat Asyar 

nu geus dumuk, 

numatak manusa Islam, 

kudu Sholat Asyar misti.

[26/11 21:40] aji rasha: NERANGKEUN 

Rusul nu Kaopat 

Nyaeta Nabi Musa. 

Kieu rai Syahadatna, 

Asyhadu anlailaaha Illallohi, Wa asyhadu, anna Musa Kalamullah, 

ngadawuhan Gusti 

nu Maha Agung, 

heh maneh Musa utusan, utusan Aing pribadi. 

Tapi montong hayang terang, hayang nyaho kana 

dzat sifat Aing,

kanyahokeun bae kudu, pangucap maneh teh eta, sategesna pangucap Aing geus tangtu, 

dalilna teh geus disebat, Kalam Mutakalliman  

Pek Shalat tilu raka’at, 

waktu magrib maneh ulah salah deui, 

sabab maneh teh 

geus puguh, 

saperkara boga baham, kaduana boga lisan eta 

katilu ngabogaan ati

[26/11 21:44] aji rasha: NERANGKEUN 

Rusul nu Kalima 

Nyaeta Nabi Isa. 

 

Syahadatna  

Asyhadu anlailaaha, Illallohi Wa Asyhadu, anna Issa Rohullohi, 

Ngadawuhan Gusti Allah, maneh Isa geus jadi 

utusan Kami, 

tapi maneh teu kudu, 

hayang terang, hayang nyaho kana dzat Aing satuhu, kanyahokeun heula bae, nafas maneh pribadi. 

Sabab nafas maneh eta, kanyataan hirup Aing 

geus pasti, 

ngan maneh ayeuna kudu, Shalat dina waktu Isya, 

pat raka’at lantarannana 

pang kitu, 

di maneh teh kanyataan, 

dua liang irung bukti. 

Katiluna boga nafas,  kaopatna boga getih geus bukti, 

sabab mun getihna lampus, nafas ge moal aya, 

nu matak ayeuna ge ning kudu, Sholat dina waktu Isya, sabab asalna ti Nabi.

[26/11 21:53] aji rasha: NERANGKEUN 

Rusul nu Kagenep 

Nyaeta 

Kangjeng Nabi Muhammad 

Sholallohu ‘Alaihi Wasalam. 

Barang Rusul kagenepna, nyaeta gumelarna 

jeng Nabi, Muhammad 

Nabi panutup,

geus lumbrah Syahadatna, Asyhadu anlailaaha Illallohu, Wa Asyhadu anna Muhammad Rasulullohi. 

Ngadawuhan Gusti Allah, 

eh Muhammad maneh teh utusan Kami, 

ayeuna maneh mah kudu, 

ka Aing kudu ma’rifat, sabab maneh anu pangdeuheusna dalilna enggeus disebat, 

dina Qur’an geus kauni. 

Kieu dalilna geus kocap, 

enya eta 

Al insanu siri , 

Wa ana siruhu, 

hartina teh 

maneh Muhammad, sategesna rasa Aing 

geus tangtu, 

kapan pangkatna teu lepat, Muhammad Rosulullohi. 

Ieu Aing mere burak, 

pikeun engke ngadeuheus 

ka Hadraut Aing, 

jeung turun ka anak incu, teras ka para Wali sadaya, malah tepi ka poe Kiamat 

Muslimin para Olia, 

nu meunang pitulung Gusti. 

Kitu geuning sajarahna, 

tapi heran bangsa Islam 

sok mungkir, keukeuh pokna mo kasusul, 

kapan eta Gusti Allah, enggeus jangji ka Jeng Nabi 

geus ngadawuh, terus nepi ka Kiamat, turun-turun burak tadi. 

Tangtu bae mo kapendak, lamun urang cicing 

dina tarekat muji, 

teu nyusul tarekat ilmu, 

teu make Ijma Qiyas, sategesna hukum akal 

teu disusul, 

tadi diluhur disebat, 

teu ku akal moal jadi. 

leres pisan geus kaharti, 

eta anu genep Rusul, 

dina waktu-waktuna, hakekatna di badan urang sakujur, 

tumarimakaayaan, 

dina wujud peribadi. 

Hakekatna Adam tea, 

nya adegan wujud urang peribadi, 

Enoh nyatana 

pangdangu, 

Ibrohim paninggal , 

Musa pangucap

Isa panggangseu , 

nafas sifatna . 

Muhammad mah rasa jasad, nya paingan Muhammad ceuk unggel Hadist, Panguluna para Rusul, ayeuna karaos pisan, 

tingal 

dangu 

pangucap 

angseu, 

sumurupna kana rasa, 

wujud ge geuning bukti.

[26/11 22:13] aji rasha: Lmun teu aya rasa, ngajolopong teu bisa 

usik malik, 

kitu hakekatna sadayana para Rusul, 

da geus gulung dina jasad, hanteu kakurangan deui.

atuh naha, 

nu ngaraji sok ngalainkeun teu percaya kanu nyebut, 

nu ngaku enggeus ma’rifat, kana dzatna Gusti 

anu Maha Agung, 

pokna teh sabab ceuk kitab, moal aya hiji jalmi Anu bisa ma’rifat dzat, anging 

Nabi Muhammad Rosulullohi, nu bisa ma’rifat kitu, 

jelema mah moal aya, 

jadi lamun hiji jelema 

geus ngaku ngaku 

geus ma’rifat dzat, 

murtad hanteu salah deui. 

Malah ulah dideukeutan, 

bisi nular katepaan murtad seueur pisan anu kitu, 

sareng anu nyaritana, 

lain jalma jore-jore 

nu geus masyhur, 

nya nu pangkat Ajengan, 

anu ngajina salapis. 

nya kitu mun 

nu ngaji Hadist Dalil, 

puguh oge sok kaliru, 

lamun hanteu ngaji Qiyas, sumawonna Ijma oge 

teu disusul, 

tangtuna kaliru basa, 

da teu make akal deui. 

Geura dipahamkeun, 

saur Hadist 

moal aya hiji jalmi, 

nu ma’rifat dzat Yang Agung, atuh kantenan pisan, 

sabab anu ngaran jalma mah geus tangtu, 

ninggalna ku soca, 

panon ieu nu buncelik. 

Mun kitu mah bener pisan, Mutajilah geus moal salah sabab 

ngajirimkeun geus tangtu, ngajirimkeun Gusti Allah, 

aya urang sinarengan aya itu, jadi aya hirup dua, 

tah kitu mun teu kaharti. 

Ari Hadist mah teu salah, pangandika para Rusul 

para Nabi, 

nu salah mah geus puguh, anu ngajina tea, 

kulantaran ma’nana 

salancar wungkul, 

sahinasna ma’na kitab, henteu dipikiran deui.

Kapan ma’na kitab Qur’an, aya dua dina Qur’an 

geus ditulis, 

dina Lam yakunil , 

ma’na Syahrul bariyyah, Khaerul bariyyah puguh, 

nya ma’na anu kasar, 

aya ma’na lemes pasti. 

Kasar pikeun Naraka, 

anu lemes pikeun Sawargi, kapan ceuk Qur’an teh kitu, naha arek teu percaya, 

kana eta dalil Qur’an 

nu geus puguh, 

dalil teu meunang dirobah, ma’nana pon kitu deui. 

Namung wajib kailmuna, ma’na dalil 

kudu karasa kaharti, 

kaluar jerona kitu, 

jalankeun hukun Qiyas, 

sabab anu pikeun nyampurnakeun maksud, taya lian ngan ku akal, 

elmu lahir elmu batin. 

Geuning tadi Hadist nyebat, moal aya nu ma’rifat 

ka Gusti, Anging Jeng 

Nabi Muhammad Rusul, 

eta oge bener pisan, 

tapi ulah netepkeun bae 

kaditu, 

Kangjeng Rosulullah Mekah, eta mah nu jadi bibit. 

Bibitna anu ma’rifat, 

tapi geura teangan 

hakekat Nabi, 

anu aya diwujud, 

sabab Rosulullah eta, 

hanteu pupus 

sabab mun pupus 

Dunya ge lebur, 

pupus soteh majajina, hakekat mah teu mati. 

Numawi geura teangan, Rosululloh tegesna 

rasana Gusti, 

di wujud 

urang sakujur, 

lamun geus kapanggih eta, tangtu bae ma’rifat, 

ka dzat Yang Agung, 

da eta nu ma’rifatna, 

jalma mah moal tinggali.

[26/11 22:17] aji rasha: Tetep bae pang bodona, 

teu boga daya upaya pasti, anging rasana Yang Agung, anu tetep uninga, 

nu ninggalna teu make panon 

ngandikana teu ku baham, ngadanguna teu ku cepil. 

Nu gaib di wujud urang, 

sing kapangih 

supaya bisa balik, 

balik ka rasa kapungkur, nyaeta rasana Allah, 

sabab mun 

teu kapanggih ayeuna 

tangtu moal bisa deui mulang ka rasa anu tadi. 

Tetep dina rasa Dunya, marakayangan balik 

ka Dunya deui, 

ku Dunya ieu kakurung, tegesna tacan kaluar, 

masih tetep 

dina pangbuangan kitu, 

buktina loba ririwa, 

loba nu surup sumanding.