dzatulloh sipatulloh asmaulloh af alulloh di terangkeun di luar na

[23/11 13:55] aji rasha: NERANGKEUN 

DZATULLAH, 

SIFATULLAH, 

ASMA’ULLAH, 

AF’ALULLAH 

pasal ieu anu opat perkara, ayeuna rek didadar 

boh luarna, boh jerona sugan sapuk, mufakat sareng sadaya, nu geus ngagem tarekati. 

Ayeuna luarna heula, 

nyaeta luareun diri pribadi, supaya merele kitu, 

tuluy engke kana jasad, 

sanggeus beres dina jasad meureun tuluy, kana 

hakekatna, 

sabab mo beda saeutik. 

Luarna ngaran Dzatullah, nyaeta alam disebatna teh, nya ieu anu ngawengku, 

nu ngawengku alam dunya, 

Sifatullah, 

nya ieu caang 

satungkebing langit, 

sabab tadi ge Yang Agung, hiji dzatna hiji sifatna, 

tapi mahi kasadaya 

nga angliput, 

teu aya anu kaluar, tina dzatna Maha Suci.

perkara caang teh eta 

ngan hiji, 

saalam dunya katutup,  

Asma’ullah 

eta teh 

1.seuneu  

2.angina 

3.cai 

4.bumi, 

tah eta Asma Yang Agung, hiji mahi kasadaya, 

sabab eta nu opat teh 

jadi huruf, 

jadi lafad Asma Allah, 

Alif 

Lam 

Lam 

He 

geus sidik. 

Af’alullah 

mun teu terang, 

pasal eta Af’alullah 

nu dumuk, nyaeta 

nyatana hawa, nu ngahirupkeun sabumi. 

ayeuna cang sasar kana 

diri pribadi, 

naon nyatana anu dumuk, nyatana hiji-hijina, 

nyatana, tumibana dina diri. 

Dzatullah teh 

sanyatana dina diri, 

buktina badan sakujur, 

nu ngawengku kaayaan, tek-tek bengek kaayaan 

dina wujud, 

Sifatullah 

eta rupa urang, 

kitu hanteu salah deui. 

naha ning, pan tadi 

Allah ta’ala ngan hiji, 

rasa urang mun kitu, 

Allah teh pirang-pirang, salobana manusa anu hirup,  kade ulah kaliru..... 

Coba ayeuna mah, 

geura angkat kanu rame 

di nagari, dina jalma 

rebu-rebu, pek tinggalian, sugan aya nu sarupa 

nu sapatut, 

sarupa taya bedana, 

jeung rupa diri pribadi. 

boro-boro asup ka hiji nagari, neangan anu sapatut, sanajan saalam dunya, 

moal manggih anu sarupa sapamulu, nu ceples 

taya bedana, 

jeung rupa diri pribadi

moal manggih.

[23/11 14:10] aji rasha: estu ngan sahiji pisan, 

rupa diri pribadi teu dua sumawon tilu, 

sajeroeun alam dunya, tawilna Allah ngan hiji. 

Asma’ullahi, 

naon nyatana anu puguh, 

nu bukti di badan urang, 

mun can mafhum, 

nyatana Asmana Allah, 

kulit 

Daging  

tulang  

sungsum, 

sidik geuning 

jadi lafad, Asma Allah 

Alif 

Lam 

Lam 

He 

geus puguh, pada opat jejeg pisan, teu kurang sumawon leuwih. 

Af’alullah 

mun can mafhum, 

sanyatana Af’alullah, 

nyaeta usikna diri. 

Usik malik 

wujud na urangsareng kalbu, 

ayeuna eta anu tadi tea, diringkeskeun kana opat rupi, 

sanyatana dzatullahi, 

nyaeta pangucap urang, sabab eta pangucap teh 

anu puguh, nu 

ngajadikeun sagala, karamean alam dohir. 

mun teu ku pangucap, 

moal jadi sagala kahayang jalmi, gedong-gedong ge moal rentul, jadina jeung ramena, ieu dunya teu lian ku kecap tegesna teh ku omongan, da tadi ge 

dzat teh bibit. 

Sifatullah  

sifatullah, enya eta 

sifatna paninggal  

eta nu mere tuduh, 

kana sagala sifat, 

anu hade anu goreng oge kumpul, gulungna dina paninggal, satungkebing bumi langit. 

Geus gulung kana paninggal, caang poek beureum hideung bodas kuning, bulao biru jeung wungu, 

pendekna sadayana, sakur sifat kana soca bae gulung, nu matak soca disebat, Sifatullah  

nyatana Sifatullah, 

bet malindes kana badan, beuki jero beuki karasa sumurup, 

Asma’ullah 

 

sanyatana 

nyaeta pangdangu, 

cepil wadahna geus tangtu, kieu katerangannana, geuning nyata 

sakabeh sowara kumpul, 

gulungna geus tangtu pisan, kana cepil geuning sidik.

pan sagala omongan, sakur-sakur nu diharuskeun ku biwir, sakabeh ge 

asma wungkul, 

asupna moal salah deui, 

kana cepil sora nu gede nu 

lembut, 

kitu katerangannana,

[23/11 14:23] aji rasha: wajibna nyiar ilmi, 

neangan pangarti tangtu, 

tina poek hayang caang, ayena geus kaemut, 

sakur nu geus diwejang, 

sing nyacas bae jero ati. 

Af’alullah 

naon nyatana nu dumuk, nyatana dina badan, 

kanyataan di salira, nya Nafas urang geus sidik. 

nya eta Af’alullah, 

sareatna anu aya dina diri, nafas nu kaluar asup, 

wawayangan hirup tea, 

nu ngawengku nguatkeun sakabeh wujud, 

eta nu jadi tihangna, 

taya nafas tangtu mati. 

Tah palebah dinya, 

wajib pisan ku urang 

kudu kaharti, 

nafas teh 

kamana atuh, 

tinggal dangu sareng ucap, mun kaluar tepi kamana 

nya dumuk, 

mun kajero sumawonna, dimana enggonna ngancik. 

Moal leungit tanpa sabab, tangtu bae aya tempatna geus pasti, 

mun dipikir lebah dinya, matak paur matak sieun pupus, 

atuh 

kumaha akalna, 

sangkan urang kaharti. 

naha make reuwas, 

pan tadi Gusti Allah sifat adil, buktina nurutkeun ilmu, sareat sareng hakekat, tarekat jeung ma’rifatu, 

eta teh perjalanan,

jalan manusa baralik. 

Kana asalna baheula, 

tempat roh urang 

keur waktu di kadim, 

keur dina 

qudratullahu, 

numatak ayeuna urang, 

kudu daek ikhtiar neangan ilmu, ma’rifat, 

ma’rifat ka asal tadi. 

Sangkan puguh pangbalikan, ulah hanteu puguh piloseun nya balik, 

hanteu puguh nu dijugjug, atuh mun teu puguh mah, 

nu dijugjug 

jadina teh usrak-asruk, tungtungna saha nu nyambat, didinya teh urang cicing. 

Kumaha mun disambat, 

ku Siluman ku Onom  Jin, 

anu mara kayangan , 

atuh tangtu cilakana, 

najan urang bebekelan nyuhun nanggung, 

nyaeta beunang ibadah, 

keur waktu tadi di dohir. 

mun teu aya tempat, 

hak pribadi atuh bebekelan tadi, teu aya tempatna kitu, balatak taya wadahna, 

nyaah temen urut tisusut 

ti dungdung, hese cape ngalakonan, 

ibadah di alam dohir. 

Kitu upamana, 

nu matak urang teh 

sing ati-ati, 

enggoning ibadah kitu, 

kudu jeung ma’rifatna, 

kana asal keur urang 

waktu kapungkur, 

jaman keur di qudratullah, pangbalikan nu sajati. 

yaktos pisan, 

umumna teh lolobaha jalmi-jalmi, 

ibadah anu ti payun, 

nyaeta ibaratna, 

keur kukumpul keur engke pibekeleun wangsul, 

mulih ti pangumbaraan, 

nya ieu ti alam dohir. 

Tapi keur pikeun tempatna, piwadaheun bebekelan anu tadi, sok tara pisan diemut, sumawonna dianjangan, 

sok neumbleuhkeun kumaha bae Yang Agung, 

ana kitu nyieun bujang, 

ka Gusti nu Maha Suci. 

pan tadi Gusti Allah, 

Kun Faya kun 

geus hanteu nungtut deui, 

mahi kusakali tangtu, kari-kari manusa, 

bet neumbleuhkeun deui 

ka Gusti Yang Agung, 

nyieun purah-purah pisan, kapan tadi geus maparin.

[23/11 20:47] aji rasha: di kira,engke na mah 

Gusti nu Maha Suci, 

ngan kari netepkeun wungkul, sabogana-sabogana, beubeunangan ti 

pangum baraan kitu, 

teu kudu nyiksa ngaganjar, sabab tadina ge Gusti. 

Pang ngayakeun Naraka, jeung Sawarga lain keur sangaja Gusti, 

ngaganjar sareng ngahukum, ngahaja pikeun manusa, 

lamun kitu Allah teh tukang ngahukum, sinareng tukang ngaganjar, 

saperti bangsa hawadis. 

bener pisan, eta kabeh papahaman , yen 

Gusti nu Maha Agung, 

pang ngayakeun Sawarega, jeung Naraka lain keur baris 

ngahukum, atawa baris ngaganjar, 

manusa di dohir batin. 

Sategesna Gusti Allah, 

ngan ngayakeun geunah 

teu geunah geus pasti, 

bareng jeung ngayakeun mahluk, sumawonna 

alam dunya, 

geuning kitu sidik adilna Yang Agung, 

lain sangaja keur nyiksa, ngan bareng ngayakeun jadi. 

pan ku urang karasa, 

ayeuna ge keur aya keneh 

di dohir, 

mun nyieun susah ka batur, nganyerikeun pada jalma, malik deui ka urangna 

eta tangtu, karasa hanteu ngeunahna, 

sabalikna kitu deui. 

Lamun nyieun kahadean, 

ka sasama papada 

kaula Gusti, ka urangna ge 

geus tangtu, malik jadi kangeunahan, 

ning sidik sawarga naraka 

dijieun ku urang sorangan, tina tekad laku jalmi. 

Sanajan di akheratna, 

pang ayana naraka sareng sawargi, 

bawana ti dunya tangtu, sabawana-sabawana, sewang-sewangan 

kumaha tekad 

jeung laku, 

.waktuna di alam dunya, 

sa Ilmu-ilmuna tadi. 

Dupi perkawis Allah mah, ngan netepkeun sabandana-sabandana tadi, 

bawana ti dunya kitu, 

mun mawa kagorengan, kajadian ngan jadi teu 

ngeunah wungkul, 

mun mawa kahadean, kajadian ngeunah deui. 

Mun mawa kasampurnaan, nya jadina sampurna 

teu salah deui, 

balik ka asal kapungkur, kumaha bae elmuna, 

da kabeh ge tunggal ilmuna Yang Agung, 

moal ditampik ku Allah, kamana ge anu aing. 

sing kahareti, 

dina pangbalikan jalma, 

kumaha ilmuna tadi, 

geus moal sulaya deui, mung hal perkawis 

Dzatullahi, hakekatna 

karek di luarna, 

kuma kajerona deui, Dzatullah  

Sifatullah, 

Asma’ullah 

Af’alullah