naha urang kudu sholat sagala

[18/11 19:36] aji rasha: hal rukunna Agama

nu aya di wujud urang, 

nya eta nu opat tea, 

sareat 

hakekat  

tarekat 

ma’rifat.  

hartina, ngaran rukun, 

Nyaeta bareng 

hanteu pili ganca. 

Paribasa sepuh , 

ka urang sok mituturan, 

yeh anak-anak sakabeh, 

engke bapa geus teu aya, omat turut weling bapa, 

jeung dulur teh kudu rukun, ulah arek panca bagah. 

Ka cai kudu saleuwi, 

ka darat kudu salebak, 

jeung kudu bongkok 

ngaronyok, bengkung ngariung ceuk basa, 

supaya maneh waluya, 

mun 

rempug jungkung jeung dulur, salamet dunya akherat. 

ari rempugna nu opat tea, rukunna 

paninggal 

dangu, 

pangangseu  

pangucap. 

Margi keur kieu mah geuning, ieu nu opat perkara, 

lakuna teh nu karaos, 

masih bae pili ganca, 

hanteu bareng lakuna, 

ucapaucap

dangu dangu, 

angseu sumawon paninggal. 

Teu nurut babasan tadi, 

yen kudu sabilulungan, 

nya eta bongkok ngaronyok, jeung bengkung ngariung tea, ka cai saleuwi pisan,

kitu anu ngaran rukun, 

atuh dimana barengna. 

Rukun na nu opat eta

dina waktu eukeur Sholat, Sholat sajatina tea, 

waktos Nafi Isbat gulung, 

nerapkeun Muhammad. 

Aworna kalimah kalih, 

huruf Ta’udz jeung Bismallah, keur nyalindung ka 

Yang Manon, 

kapan didinya barengna, 

nu opat teh ngahijina, ilangna dunya jeung wujud, 

kapendak wujud Agama. 

Nembe Islam 

mun geus panggih, 

kana sajati Agama, 

nyaeta hirup urang tea, 

anu matak wajib pisan, 

nyaho jatining Agama, sangkan sah ibadah 

nyaho bibit rukun Islam. 

nya didinya barengna teh, babasan tadi teh keuna, bongkok ngaronyok teh nyata, sumawon bengkung ngariung, kacai saleuwi pisan. 

Ayeuna mah kaharti sugan, babasan sepuh baheula, 

aya Hekekatna horeng, 

kudu rukun teh nya eta, 

nu opat di badan urang, ngaran dulur nu saestu, 

opat kalima pancerna. 

Ayeuna dina Hadist nyarios, 

aya basa opat rupa, ngaran Dalil 

Hadist, 

Ijma, 

Qiyas , 

eta  hartina.

[18/11 19:56] aji rasha: Nerangkeun 

Dalil, Hadist, Ijma, Qiyas 

pasal eta nu opat basa, 

kieu pihartieunna teh, 

hartina dalil teh , 

pangandika Maha Suci, 

nya Qur’an 

eta buktina, 

anu mawi kudu, 

wajib percaya kana Qur’an, lamun henteu percaya teh kufur kafir, cadang Naraka Jahanam. 

Ari Hadist 

pangandika Nabi, 

enya eta Rusul-rusul tea, utusan Gusti Yang Manon, eta wajib digugu, 

ngaran Ijma tea, 

nyaeta pangandikana, 

para Wali jeung 

para Muslim deui, 

eta ge wajib percaya. 

Qiyas hartina teh 

akal sategesna, 

pikeun ngakalan 

geus tangtos, 

ngakalan tadi nu tilu, 

Dalil Hadist Ijma pasti, sangkan bisa karasa, 

ma’na Dalil kitu, 

Hadist Ijma sumawonna, 

da eta teh pikeun 

pikiraneun deui, 

sangkan nyata jeung barangna. 

Sabab geura pek pikiran, sagala hal mun teu make akal, moal bisa jadi bae, ibaratna kapan puguh, karamean Alam Dohir,

karajinnana manusa, tambah beuki maju, ayeuna ge kabuktian, 

kajadian kapal udara 

jeung mobil, 

jadina tangtu ku 

akal. 

Anu matak ngilmu ge, 

lamun ngilmu pikeun kabatinan, 

kalanggengan Alam Baqo, ulah cicing bae atuh, 

dina asma bae badis, 

tegesna dina omongan, kapan asma mah tuduh, najan Dalil Hadist Ijma, 

eta oge pituduh 

teu salah deui, 

tuduh jalan pikeun 

mulang. 

Sareng tuduh ka manusa, pikeun urang gumelar di Dunya, 

kudu daek ibadah teh, 

ka Gusti nu Maha Agung, kalawan jeung sah na misti, 

nyaeta 

sahna ibadah, 

kudu ma’rifatu, 

kana Dzat Sifatna Allah, 

enya eta 

piwadaheunnana , 

amal ibadah urang. 

Ulah cicing dina Asma badis, tetep cicing dina panunjukna, mun kitu mah tangtos bae, mo tepi kanu dijugjug, nyaeta ka asal tadi, 

da teu disorang jalanna, cicing ngadedeluk, nyaeta dina tunjukna, 

nu ditunjuk teu disusul dipilari, 

mun kitu mah moal datang. 

Ibaratna upami urang  

hayang terang ka hiji Nagara, upama Batawi bae, 

barang dileresan Bandung, lajeng urang ninggali, 

hiji jalan parapatan, 

jeung ninggal nu nangtung, hiji pilar make papan, 

dina papan aya aksara Batawi, ditunjuk 

ku gambar tangan. 

Ramo nunjuk 

ka huruf Batawi, 

boh ka kulon 

ka kaler 

ka wetan, 

terus urangna cicing bae, dina hareupeun panunjuk, naha kira-kira iyeu, 

dikirana bakal datang, 

ka Batawi tunjuk, pastina atuh moal, sabab cicing di dinya teu maju deui, sumawon ka Batawina.

[18/11 20:09] aji rasha: Jalanna ge teu disorang deui, nu ditunjuk ku gambarna tea, kumaha bisana nyaho, 

da betah dina panunjuk, hurupna asma Batawi, 

tah kitu ibarat na 

nu ngaji asma wungkul, 

teu terang nu diasmaan, lamun kitu ngaji teh 

teu bisa nepi. 

Panunjuk teh 

ibaratna Dalil, 

kitab Qur’an 

eta sategesna, 

tuduh jalan nu sayaktos, numatak urang teh kudu, hukum Qiyas 

geura tungtik, 

kumaha pikeun akalna, tarekatna ilmu, 

sangkan urang bisa 

datang, ka Batawi 

nepi ka ‘aenal yakin, 

sidik teu ngandelkeun beja. 

Mun geus cicing dina panunjuk tadi, 

kantun bae neangan akalna, 

sangkan tereh tepina teh, naha rek leumpang suku, atawa rek tumpak mobil,  kapal udara, da aya geus tangtu, 

ari eta tutumpakan, 

ngibaratkeun tarekat ilmu kapan tarekat 

teh loba. 

Qodariyah Satariyah Anfasiyah jeung Muhammadiyah, Juziyah Hak Maliyah , 

kantun milih bae atuh, 

mana nu gancang tepi, 

nu pangheulana datang, 

bisa ma’rifatu 

kana dzat sifatna Allah, sagarana hirup 

tujuh langit tujuh bumi, 

Johar Awal kasebatna. 

Lamun hanteu make akal  enya eta milih tutumpakan, mana anu gancang bae, 

misti kudu buru-buru, 

bisi kaburu ku pati, payunkeun hukum akal, kajeun rada ripuh,

geura beuli ku tirakat, gancangna teh teu lian 

kudu prihatin, 

dahar sare dikurangan. 

Rukun Islam, 

naha aya rangkepan nana

[18/11 20:15] aji rasha: NERANGKEUN 

Rukun Islam 

Sare’atna 

Hakekatna 

Tarekatna, 

rukun Islam nu 

lima perkara, 

dina hiji perkara teh, opat-opat geus tangtu, 

dina sahiji perkawis, 

saperti dina 

Syahadat, 

opat pangkal kitu, 

aya sare’at hakekat , 

tarekat ma’rifatna 

Sholat  

opat perkara. 

Enggeus tangtu opat  aya sare’at hakekatna, 

tarekat ma’rifat geus tangtu, 

Zakat 

Puasa 

Hajina, 

opat-opat kitu,  

NERANGKEUN 

Sare’at Hakekat 

Tarekat, Ma’rifat 

dina Syahadat.

[18/11 20:26] aji rasha: Syahadat

sare’atna Syahadat teh ngucap, ngucapkeun 

kalimah roro, 

nya eta 

Asyhadu Anlaa Ilaaha Illallohi, 

teras 

Wa Asyhadu Anna, Muhammad Rosulullohu, 

eta Syahadat sare’at, 

hakekatna 

ngaran Syahadat teh , 

hirup eta tegesna. 

Tarekatna Syahadat teh , 

dina waktu Shalat sajatina, keur tajali ka Yang Manon, 

ma’rifatna mah kudu, 

sing ngarasa kaangliputi, 

nu moncorong lintang Johar, caang padang alus, 

nya eta dzat sifat Allah, 

Duh ning bet tepi kadinya, cacarita teh nyah......

nataku engkong isin ku 

Yang Agung, 

mun engkong nyumputkeun 

ilmi, da aya hukumannana, mun sumput salindung, tur aya nu naros pisan, 

goreng temen mun engkong ngabuni-buni, turug-turug ku 

Ikhwan. 

Namung aya nu dibuni-buni, saperkawis anu hanteu beunang, diterangkeun kanu sanes, nu sanes saikhwan kitu, 

nyaeta tarekat ilmi, 

sabab eta mah titipan, 

Nabi Wali , 

sabab lamun samarangan, 

diterangkeun ka jalma nu lain-lain, doraka Dunya Akherat. 

Sarta matak pecat iman pasti, 

Gusti Allah moal rek 

narima, ibadahna 

najan getol, 

dila’nat enggeus tangtu, disamikeun jeung Idajil, sakumaha mujina, 

ka Allah nu Agung, 

tetep moal dihampura, 

tetep bae keur eusi 

Naraka Jamhim, langgeng teu aya putusna. 

Sholat , 

naon sare’atna,hakekat 

tarekatna, ma’rifat ,

[18/11 20:33] aji rasha: NERANGKEUN 

Sare’at Hakekat 

Tarekat, Ma’rifat 

dina Sholat (Sembahiyang). 

Sareatna Sholat 

nya eta 

nangtung 

ruku  

sujud 

lungguh 

bukti ‘aen, 

hakekatna , 

Alif 

Lam 

Lam 

He 

geus pasti, nyaeta 

lafad Allah, 

hanteu salah deui, 

tarekatna Sholat, 

tetep bae dina keur 

Sholat sajati, Tajali ning Dzattul Mutlaq. 

Ma’rifat 

oge kudu kapanggih, 

sareng  Nur Muhammad tea, ka cahya 

opat sing ‘aen, 

Narun 

Hawaun 

Maun, 

Turobun, 

nya eta nu 

ngaran Sholat, 

memeh awang uwung, 

tah eta anu geus aya, 

anu matak 

Sembahiyang teh wajib, sabab asal tina Shalat. 

 

kade sing kahareti, 

dina pasal eta Sholat yeu,  

Zakat 

anu geus kamayhur, 

naon sare’atna , hakekat tarekatna, ma’rifat na.

[18/11 20:38] aji rasha: NERANGKEUN 

Sare’at Hakekat 

Tarekat, Ma’rifat 

dina Zakat. 

mun can harti, rukun Islam anu katiluna, 

Zakat 

bade dicarios, 

sare’at 

mah geus umum, 

hajat pare atawa duit, ditarima ku jalma, 

fakir miskin kitu, 

hakekatna 

ulah salah, kudu bae urang 

ngazakatkeun diri, 

ka Gusti Allah Ta’ala. 

Tarekatna 

nya kudu Tajali, 

ma’rifatna 

sing bisa ngarasa, 

ilangna jasmani kabeh, 

tanda ditarima kitu, 

ku Gusti nu Maha suci, 

tah kitu 

sahna Zakat, 

ulah rek kaliru,

[18/11 20:43] aji rasha: NERANGKEUN 

Sare’at Hakekat 

Tarekat, Ma’rifat 

dina Puasa. 

Puasa  

sare’atna 

pan geus ilahar, 

dina bulan Ramdhan tangtos, tilu puluh dinten tutup, 

hakekatna 

mah geus pasti, 

kudu nahan nafsu hawa, 

ulah rek diturut, temahna matak cilaka, 

tarekat 

nya gulung dina Tajali, 

 

ma’rifatna. 

Kudu panggih jeung Ramdhanna diri, 

nya eta jeung saperti bulan, lir bulan pat belasna teh, rain, paingan disebut, 

Puasa di bulan Ramedhan, sihoreng teh yen 

urang kudu ninggali, 

lir bulan opat belasna.

[18/11 20:47] aji rasha: NERANGKEUN 

Sare’at Hakekat 

Tarekat, Ma’rifat dina Munggah Haji. 

sare’atna Haji, 

nu geus lumbrah nya jarah ka Mekah,Baitullah nu dijugjug teh, 

hakekatna 

mah tangtu, 

ngalebur dosa nu tadi, 

tarekatna 

mah teu lepat, 

dina eukeur waktu Tajali tea, 

ma’rifatna 

kudu 

ngarasa ngahiji, 

jasmani jeung rohanina. 

Seug itung ayeuna , 

rukun Islam 

anu lima tea, 

sabaraha jumblahna teh, opat-opat hiji rukun, 

atuh lima kali opat, 

jadi dua puluh, 

geuning eta 

sifat dua puluh 

sifatna Allah Ta’ala.