prabu jaya sakti 3

Dina bulan Januari 1987, Lucas Partanda Koestoro ti Laboratorium Paleoekologi jeung Radiometri, Bandung (ayeuna Balai Arkeologi Bandung), kungsi ngalakukeun panalungtikan deskriptif titinggal budaya ajaran/ageman kasanghyangan baheula di Sanghiang Taraje. Uraian hasil panaluktikanna nguraikeun yen kondisi sarta dimensi wangunan undak-undakan

Di belah kidul - wetan ti Sanghiang Taraje aya situs Cupu Manik (Puncak Manik), saperti anu diuraikeun dina carita Ratu di Pakuan yen eta Cupu manik teh tempat samadhi jeung tempat panenjoan.

Sabaraha obyek penting nu dicatatna nyaeta aya di Cupu Manik Tampomas aya arca menhir tina batuan andesit di teras mimiti, batu tatapakan (umpakan), batu Lingga (batu nu didirikeun nangtung) jeung batu kasur nu aya diteras bagean ka tilu.

Di Cupu Manik Tampomas eta aya obyek sasaka Domas jeung Salaka Domas nyaeta; arca Ganesha, Arca Batu Binatang, Batu bentukna tumpeng jeung batu Lingga Pasagi Opat.

Arca Ganesha nu aya di Cupu Manik Tampomas dijieun tina bahan batuan andesit. archa Ganesha digambarkeun saderhana pisan dina posisi diuk, leungeun kenca dilipet dihareup dada leungeun katahu nyekelan tungtung tulale.

Arca binatang sejen ngagambarkeun Maung jeung Monyet, sasatoan eta digambarkeun dina posisi anu jongko Suku tukangna ditekuk jeung suku hareupna lurus ngajolor

Ayana patung Ganesha dina ajaran Hindu ngagambarkeun pendidikan, Maung dina ajaran wiwitan ngagambarkeun kakuatan. Kitu deui di Cupu Manik Tampomas aya batu Lingga Pasagi Opat (Batu Sandung), handapna dipahat corak tangkorak manusa, hiji ciri dina ajaran kahinduan waktu harita dina pamahaman bakhta ka Siwa, jeung aya tilu Lingga nu sejenna.. Gunung Agung (Tampomas) dianggap puseurna wilayah ka-Hindu-an ti mandala-mandala sejen waktu harita dina jaman Salakanagara - Tarumanagara wilayah Sumedang