BUDI DAYA
Naon ari artina Budi Daya
BUDI teh hartina gerakna badan lemes (batin)
nu hade,
DAYA nya eta gerakna badan badag (lahir)
nu kagerakeun ku badan lemes tea,
sarta anu bisa kasaksi Ku Pancadria
Ari karuhun urang aya budi dayana ?
Puguh bae………..Karana budi dayana karuhun,
Ku urang moal bisa di pungkir;
Kubukti Salamet na ti mimiti urang dikandung
Ku indung nepi ka waktu ieu pisan
(maca ieu buku) teh
wungkul (gegedena) jasa indung –
indung bapa urang
karana moal aya hiji Mahluk pangeran
di alam dunya ieu anu boga jasa
keur Kasalametan anak nu leuwih
ti Indung bapana.
Kulantaran kitu sok sageuy anu ngarasa mah
arek kanu budi dayana indung bapa,
enya oge aya nu mikanyaah dialam dunya ieu teh arit tapi leuwih[ bisa ngaleuwihan]
ti idung bapa mah, moal aya.
Lamun geus karasa atauh wajib urang rumasa
sarta ngaku yen enja na moal Urang kumelendang ngumbara dialam dunya ieu lamun euweh
budi daya idung bapa
Ngan palebah dieu urang kudu nyaho
moal aya indung bapa lamun euweuh
budi dayana nini-aki- moal aya nini jeung aki
lamunewuh buyut jeung saterasna
nepi ka ayana budi daya ti karuhun urang
anu oge dijadikeun ku kersana anu Maha Mulya.
Ayeuna ge bisa dibuktikeun Budi Daya
karuhun teh,
saperti keur kaperluan hirup jeung hurip diurang
estu euweuh kakurangan nana.
Keur tatali hurip(dahareun-inumeun)
lamun kaharti mah,asa moal kudu nguyang.
Keur hirup?
kapan anggota badag-lemes sakieu cukupna,
asa moal kudu nanya atawa nginyeum
ka hirup batur.
Lamun urang teu percaya atawa acan harti keneh, geuning aya sindir kieu:
Loba anu nyukcruk leuwi neangan cai,
hartina keur aya dina tempatna,
naha make diteangan?
Neangan kejo, mawa sumbul dieusi sangu,
hartina: kari prak-naha ngamprak ?
Neangan seuneu kundang damar,
hartina: terang-Na geus aya dina dirina,
Tapi hayoh masih nanya (butuh) ku katerangan batur (cenah )!
Ari butuh ku dunya ulah nanya kanu miskin !
Ari nanya lahir batin, ulah nanyakeun ka jelma
nu teu nyahoeun kana dirina !
Nukumaha anu miskin teh ?
Ari anu miskin teh nyaeta anu salawasna
ngarasa kurang jeung butuh bae
( euweuh kaseubeuhan nana ),
ceuk jawana
Pandita ora wareg denning ilmu
”Sodagar ora wareg deniing dunya
Tidak ada komentar:
Posting Komentar