Ari saksina nya-eta :

Ari saksina 

nya-eta : 

H a y a n -- nu hirup -- teu paeh

S a m i a n -- nu ngarungu -- teu torek

B a s i r a n -- nu ningali -- teu lolong

M u t a k a l i m a n -- nu ngandika -- teu pireu !

cindekna mah 

nya-eta pangna dipasihan parabot  ku Pangeran anu sakitu cukupna teh, teu percumah, 

tapi ku urang kudu dipake migawe kamistian 

guna kasalametan saumum na di dunya  -- Drigama -- 

migawe Agama nu geus ditetepkeun 

dina Rukun Islam 

jeung pikeun neangan jalan-jalanna 

sangkan percaya kana sakabeh kapercayaan 

nu diwajibkeun 

sarta nu geus ditetepkeun 

dina Rukun Iman. --

Ku katerangan anu di luhur 

sangkan teu poho , 

ieu diterangkeun deui di handap :

Mun neangan "wujud" 

nu hiji sifat ti bagian Nafsiah, 

urang make jalan katerangan "eling-eling" , 

bagian Ma'ani : 

1. Kudrat, 

2. Iradat, 

3. Ilmu, 

4. Hayat, 

5. Sama, 

6. Basar, 

7. Kalam.

Ari pikeun neangan "sifat" : 

1.Kidam, 

2.Bako, 

3.Muhalafatulilhawadisi, 

4.Kiamuhutalabinafsihi jeung 

5.Wahdaniat 

nu dina bagian "Salbiah" 

urang make katerangan 7 "eling-eling" 

bagian "Ma'nawiah" : 

1. Kodiran, 

2. Muridan, 

3. Aliman, 

4. Hayan, 

5. Samian, 

6. Basiran, 

7. Mutakaliman. 

Jadi silokana : 

"1 nu diteangan" , 

"5 "pituduh", 

"7 neangan", jeung 

"7 anu neangan" -- 

aya deui siloka buhun, 

mun henteu salah kieu : 

"indit ti aling-aling bumi nu 7, 

"liwat kana 7 aling-aling langit , 

pituduh ti Rasululah 

nu terang bag-bagannana 

kana jalan ka Pangeran 

Palebah dieu salah-benerna 

kumaha nu terang. 

Jadi tina katerangan sifat anu 20 , 

sidik enya-na ceuk nu ngarasakeun 

sarta nerangkeun 

yen Pangeran teh langkung Agung, Murba, 

sarta teu aya babandingan 

geusan mapandekeunnana, 

jadi bibitna sakabeh asal jeung usul, 

dunya jeung suwungna katut hawa-hawa 

jeung kajadian-nana kabeh 

nu disebut Rahmatulah 

nya bibitna sakabeh Kudrat 

nu tumrap di mahlukna.

Atuh lamun geus terang ka nu disebut di luhur, cing atuh geugeuy :

1.Ulah rek nyembah kana Alam = Natuur

2.Ulah rek nyembah kana Suwung = Batin

3.Ulah rek nyembah kana Cahaya = Kanyaho

4.Ulah rek nyembah kana Nu aya di Suwung,             Hawana Alam = Robani

5.Ulah rek nyembah kana Wujud nu Anyar =               Duniawi

6.Ulah rek nyembah kana napas -- eta mah.               nyawana hurip nu jalan ku getih = Rohaniah

7.Ulah rek nyembah kana Elingan, 

   da eta mah aya tandingna = poho.

Cindekna mah ulah Mangeran kanu lain-lain !

Jeungna sanggeus urang nyaho, 

atuh kudu bisa: 

tekadna, lampahna jeung ucapna 

sacara make per-adatan 

nu Iman kana kapercayaan. 

Da moal kalis ku geus nyaho wungkul 

kana asal jeung usul , 

tapi reujeung kudu ngadegkeun 

kamanusaannana (Haelafina) 

sangkan bisa sah-adatna heula , 

ceuk cohagna mah kieu silokana : 

"Adegkeun heula tihang nu 4 , 

pikeun adegan manusa (Baet ka-Insannan) sangkan bisa ngarasa 

Rasa Sampurna pasihan ti Rasul tea" , 

nya-eta :

1.Wani kana kabeneran

2.Sabar tawekal, bari migawe !

3.Welas asih ka sasama, kajeun ka sato !

4.Tetep dina migawe kabeneran.

Rukun Iman ka 4 

urang kudu Percaya ka Malaikat Allah, 

nya-eta perluna pikeun saksi 

kana ngaenyakeun Ka-Tuhanan 

jeung nyaksi kana sagala tekad, ucap 

jeung langkah mahlukna, 

ibaratkeun kanu 4 sipat :

1.Hajat --- Nu boga akal pikiran

2.Sama --- Nu suhud

3.Basar --- Nu waspada

4.Kalam --- Nu boga tekad sa-enya-na.

Karena lamun urang nyieun pagawean salah, najan ucap urang susumpahan mungkir oge, 

tapi dina batin mah ngaku, 

enya kitu?

Tah pikeun eta kanyaho urang anu 4 perkara teh moal daekeun milu bohong, 

jadi enya salawasna urang moal bisa nyumputkeun kasalahan di payuneun Pangeran, 

karena salawasna urang make Pangawasa 

jeung Pangeran Anjeuna bae, 

nu matak sanggeusna nyaho 

urang anu kudu Percaya ka Malaekat teh.