jangjawokan

Jangjawokan: 

Pupur aing pupur panyambur 

Panyambur panyangkir rupa 

Nyalin rupa ti Dewata 

Nyalin sari Widadari 

Nya tarang lancah mentrangan 

Nya halis katumbirian 

Nya irung kuwung-kuwungan 

Dideuleu teu hareup sieup 

Disawang ti tukang lenjang  

Ditilik tigigir lengik 

Mangka welang mangka asih ka nu dipupur 

Ditenjo ku saider kabeh 

------------------(Jangjawokan Paranti Dipupur). 

Ruwatan Tanaman: 

Weweg sampeg,

Mandala pageuh 

Mangka tetep mangka langgeng 

Mangka langgeng tunggal tineung 

Datang hiji datang dua 

Datang tilu nungku nungku 

Datang opat ngawun ngawun 

Datang lima lingga emas 

Datang genep nguren nguren

Datang tujuh lilimbungan 

Puluhan tanpa wilangan 

----------------------(Sri Dangdayang Tresnawati).

Pelet atau Asihan: 

Asihan aing si burung pundung 

Maung pundung datang amum 

Badak galak datang depa  

Orak laki datang numpi  

Burung pundung burung cidra ku karunya 

Malik welas malik asih ka awaking

----------------------(Asihan Si Burung Pundung).  

Selamatan: 

Calik calik nu geulis 

Nyai Sri calik di dieu 

Unggah ka pasaran lega 

Geusan sia gagayahan 

Geusan sia gagayahan 

Di gedong manik mandala pageuh 

Lemut teuing ku buruanana 

Lesang teuing ku bojana 

Nu geulis ranggeuy mirikiniknik 

Bar ngampar ku samak metruk 

Gasan bujang kasangna bagus 

Gasan Nyai tes netepan 

Ngajepret palisir bodas 

------------------(Sri Dangdayang Tresnawati).

Jampe: 

Kalaka kaliki 

Kala lumpat ka sisi cai 

Aing nyaho ngaran sia 

Ngaran sia kulit cai 

Tawa tawe 

Ditawa ku sang indung putih 

Tiis ti peuting waras ti berang 

Paripurna hirup waras 

------------------------(Jampe Dicoco Kala). 

Si semar datang 

Si togog puyuh gumuyuh 

Sangkan hewan sangkan mati 

Ngaran talaga di cai 

Sabulan meunang ngaherang 

Dua bulan ngalenggang

Tilu bulan gumulung 

Opat mangrupa, limana usik 

Genep bulan kamurulloh

Tujuh bulan jaga nata 

Dalapan bulan conggeang 

Nu larang malik ka handap 

Salapan bulan godebag 

Godebag ka mata sare 

------------------------(Jampe Nganjang). 

Rajah: 

Hong citra kasunyian 

Hong citra kasundulan 

Jleg bumi 

Jleg manusa 

Jleg setan 

Manusa wisesa 

Setan sampurna  

Sampurna kersaning Allah 

Ashadu Anla Ilaha Illallah 

Wa Ashadu Anna Muhammad ar Rasulullah 

------------------------(Rajah Citra Kasunyian).

Ajian: 

Dampal suku ngabatu datar 

Bitis ngabatu wilis 

Nyurup ka badana

Nyurup ka sumsumna 

Getih sabadan 

Bedas ngala ka aki 

--------------------(Ajian Kabedasan).  

Singlar:  

Carulung cai ti manggung 

Barabat ti awang-awang

Cai tiis tanpa bisi 

Mun deuk nyatru ka si itu 

Mun deuk hala ka si eta 

Anaking palias teuing 

-----------------------(Singlar Ka Musuh).