SIFAT DUA PULUH

[20/12/2021 09:11] Aing: 

SIFAT DUA PULUH 

Wujud, Qidam, Baqo, 

Mukholafah Lilhawadist  Qiyamuhu Binafsihi 

Wahdaniat. 

Qudrat Iradat, 

Elmu Hayat. 

Samma Bassar  

Qalam. 

Qodiran, 

Mudiran. 

Aliman

Hayan. 

Sami’an, 

Basiran 

Mutakalliman, 

jejeg eta dua puluh sifat. 

nya dibagi opat, 

1. Nafsiah 

2. Salbiah. 

3.Ma’ani   

4.Ma’nawiyah  

nyatana anu puguh, 

sifatna di urang, 

Nafsiah teh, 

pangambung nyatana,   

Salbiah nyaeta 

paninggal urang sifatna. 

Ma’ani  

pangdangu sifatna,   

Ma’nawiyah 

Nyatana pangucap  

sifatna baham 

nu matak disebatkeun Ma’nawiyah.

[20/12/2021 09:23] Aing: 1.Wujud, 

hartina teh aya, 

Allah mohal euweuh tangtos, tanda aya 

kusabab ayana nafas. 

Mohalna teh 

pang aya nafas teh tangtu, mohal bet euweuhna, 

samangsa aya nafas teh, tangtu bae aya hurip 

teu salah. 

Mangsa-mangsa aya hirup geus tangtu, 

mohal euweuh Allah, 

sabab sifatna hirup teh, 

tina dzatna sifatna Allah ta’ala. 

2.Qidam  

hartina teh

Allah ti heula teh, 

mohal enya Allah kapandeurian. 

Sareatna 

nyata dibadan sakujur, sifatna teh soca, 

awas soca ti heula teh, 

sabab eta 

nu ngabuktikeun sifat. 

katerangannana kieu  rasakeun baheula, 

waktu urang goib keneh, 

memeh gelar ngumbara 

ka alam dunya. 

Kangjeng Rama sinarengan Kangjeng Ibu, 

Rama masih bujang, 

Ibu ge parawan keneh, 

barang tepang geus tangtu patinggal-tinggal.

Saparantos pada awas 

Rama Ibu, jorojoy manahna, dua-dua ting sereset, 

jadina teh ngajodo geus 

moal lepat. 

Sanggeus nikah 

geus disahkeun ku kaum, parantos nikah mah, 

tangtos bae sapatemon, 

dua rasa jadi hiji moal lepat. 

Saparantos rasa rama Ibu gulung, 

gerentel beh urang, 

eta geuning geus eces, 

pang disebut 

panon pangheulana.

[20/12/2021 12:36] Aing: Baqo 

hartina langgeng Gusti Allah, teu keuna ku ruksak,teu owah teu gingsir Allah ta’ala. 

Baqo 

nyaeta dzat Allah, 

nu langgeng 

hirup eta kagungan 

Allah ta’ala. 

Mukhalafatuhul ilhawaditsi  

hartina eta 

beda Allah sareng nu anyar mohal enya Allah 

sami jeung nu anyar. 

kumaha bedana, 

Allah sareng nu anyar teh, 

bilih tacan mafhum, 

Gusti Allah 

ninggal teu kalawan soca. 

Ngadanguna teu kalawan cepil 

nyaurna teu kalawan 

lambe, 

kitu ari bedana teh. 

Seueur deui bedana 

lian ti kitu,  

Qiyamuhu Binafsihi, 

Gusti Allah 

jumenengna ku anjeuna. 

Mohal aya nu ngistrenan  

cacakan nu anyar, 

ning betteu ngaraos, 

badan urang didamel 

ku Ibu Rama. 

Najan Ibu Rama ge 

dna waktu, rek patemon rasa, teu boga tekad rama teh, 

ku sangaja niat 

rek midamel putra. 

ning sidik jumeneng 

ku anjeun 

ngan ari urang mah, 

jeung kalawan kersana, 

Gusti Allah 

ngalantarankeun ka Rama. 

kitu sareatna mah ti Ibu, 

ari hakekatna, 

estu kersana Yang Manon, 

nya eta wenangna Allah

ta’ala. 

Wenang pisan Gusti 

nu Maha Agung, ngajadikeunnana, 

jeung wenang henteuna oge, 

tatapina maot mah 

geus wajib pisan. 

Wahdaniat 

sah Dzatna 

sah Sifatna 

sah Asmana 

sah Af’alna.

[20/12/2021 13:06] Aing: pasal Wahdaniat 

tumerapna dinu opat, 

baham 

soca 

cepil, 

pangangseu

wincikna kieu 

Upami dina pangambung, dzatna teh pangngseu  

sahna moal rek cidra, 

mun ngangseu minyak 

nu seungit, 

tetep seungit diakuna, 

moal bet pahili deui. 

sah sifatna kitu, 

naon nu diangseu pasti, 

sah Asmana, 

boh bau boh ngaran seungit, moal sulaya ngarana, 

bau hangru pahang seungit. 

sah Af’alna, 

sasat sah gawena deui, 

ning pangangseu teh nyata, tara daekeun pahili, 

nu bau tetep bauna, 

mun seungit tetep seungit. 

Misah- misah bae tangtu, 

tah kitu sahna teh 

sanajan munguh di soca, 

sah dzat teh awasna pasti, sah sifatna oge nyata, 

naon anu katingali. 

Boh hideung beureum 

boh wungu, 

sakur sifat anu bukti, 

sah asmana oge sidik, kumaha dina sifatna, 

bet tara sulaya deui. 

Saterasna oge kitu,  

Qudrat,

qudrat Yang Widi. 

Qudrat teh kawasa 

tatapi kawasa Gusti, 

teu kalawan pakakas, 

teu jeung parabot deui, 

 

kumaha pangawasana, 

pang teu jeung parabot teh kieu mun can harti. 

Upami urang keur nuju, 

boga maksad hiji rupi, 

naon bae nu diseja, 

saperti rek nyieun bumi, samemeh prak dipilampah, tangtu ku urang dipikir. 

Kumaha kahayang kalbu, rupana eta si bumi, 

boh panjang pondokna, sumawon majuna deui, 

ka kaler boh ka wetanna, kamarna pon kitu deui. 

Diatur-atur ku qalbu, dicipta-cipta ku ati, direrengga ku kahayang, 

sangkan sieup eta bumi, upami enggeus kacipta, 

kana pisaeeun eta bumi. 

mun kitu tangtu luyu, 

da geus kacipta ku ati, 

ning eta nyata, 

geus ngadeg dijero ati, 

kana pirupaeun nana, 

sae awon eta bumi.

[20/12/2021 21:35] Aing: yaktos samemehna jadi, bumi mah enggeus kacipta, enggeus ngadeg dina ati. 

 

ngadegna teh eta bumi, 

na kunaon parabotna, 

bol-bol geus jleg katingali. 

teu make parabot deui,na itu diyah, ayeuna meureun harti, kitu kawasana Allah, 

yakin eta katerangan, 

moal bisa dirobih deui, 

Iradat

Allah teh sifatna kersa, 

kapan bukti anu tadi, 

eta bumi geus katinggal, 

nu ngadeg na jero ati. 

Kantun ayeuna mah atuh, jadikeun kersa urang, 

rek midamel bumi tea, 

hakekatna mah geus jadi, ayeuna kantun sareat, buktikeun Iradat urang na. 

Tapi urang mah kudu, 

rek midamelna teh bumi, moal cara Gusti Allah, 

teu kalawan parabot deui, 

urang mah kudu sadia, nyadiakeun bahan bumi. 

Tihang kenteng jeung pamikul, palang dada cemped bilik, usuk 

darurung jeung sarang, sumawon bedog ragaji, 

tatah baliung jeung 

rimbas, palu gegep sugu deui. 

jadi iman beurang peuting, kitu ngahartikeun nana, qudrat jeung iradat Gusti. 

Ilmu  

Ilmu eta, ngahiji jg Hayat  

sabab hartina Ilmu teh  nyaeta kanyaho 

ari Hayat caang pasti, 

tah eta kitu sundana, 

numawi pasti ngahiji. 

Sabab kanyaho teh 

tangtu, dina caang , 

da moal aya katerang, 

lamun poek buta rajin, 

sabab ari kanyaho mah, 

dina caang bae sidik. 

Dohir batin oge kitu, 

moal beda tangtu sami, dohirna lamun di dunya, 

kumaha bisa ninggali, 

lamun hanteu aya caang, piraku boga pamanggih. 

Aya kanyaho teh tangtu, 

ku caang eta geus pasti, caang katinggal ku soca, soca ieu anu jirim, 

bagian kajasmanian, 

caang tina matahari. 

Elmu batin oge kitu, 

sing sidik ‘ainal yakin, 

sing tepi kana caangna, 

caang ilmu sing kapanggih, tapi lain caang beurang, caang dina jero ati. 

Katinggali na teh kudu nyata ku panon ati, 

dina keur waktu tarekat, 

mujasmedi ka Yang Widi, sidakep sinuku tunggal, nununggu sihing Yang Widi.

[20/12/2021 21:38] Aing: Samma Basar

[20/12/2021 21:53] Aing: Kalam   

kieu hartina, nu kasebut 

Samma

Hartina Allah ngadangu, 

tapi teu kalawan cepil, 

Bassar  

Allah uninga, 

teu kalawan soca deui, 

Kalam 

Allah ngandikana, 

tapi teu kalawan biwir. 

sangkan kaharti,

jeung karasana, 

jen Allah lamun ninggali, hanteu kalawan ku soca, 

ngadanguna teu ku cepil. 

mun hayang ngarti, 

udag anu tujuh basa, 

sifat dua puluh tadi,  

1.Qadiran  

2.Muridan  

3.Aliman 

4.Hayan  

5.Sami’an, 

6.Basiran 

7.Mutakalliman, 

tah eta masing kaberik. 

eta anu tujuh, 

hartina sahiji-hiji, 

 

Qadiran, 

hartina kawasa Gusti, 

Muridan Kersa Allah, 

Aliman uninga Gusti. 

Hayan teh hartina hirup, nyaeta hirupna Gusti, 

Sami’an ngadangu Allah, 

Basiran Allah ninggali, 

Mutakalliman, Allah nu ngandika  

Sabab eta anu tujuh, 

aya nyatana di diri, 

aya dibadan sapata, 

mun kapanggih tangtu hasil, kabuka hijabna Allah, kabingung tangtos leungit. 

malah mun, kapanggih 

nu jutuh tadi, 

sifat-sifatna kapendak, 

dina sakujuring diri, 

tapi sanggeusna kapendak, tarekatna pek pilari. 

Mun tarekatna kasusul, tanwande Ma’rifat jati, 

kana dzatna Gusti Allah, 

nu caang sajero ati, 

carek babasan jawa mah, teangan sajero dzikir. 

Nu kaya dilah gumantung, kaya sarangenge bijil, gumantung tanpa cantelan, 

kitu ceuk babasan jawi, 

tatapi lamun kapendak, jasmani tangtuna sepi. 

Rasa moal boga wujud, 

kagenten ku warna rupi, nyaeta nu tadi tea, 

nu kaya sarangenge bijil, kaya lintang karahinan, jeung kaya emas sinangling. 

mun enggeus kitu, 

kakara tangtu mangarti, 

kana Nafi sareng Isbat, 

karasa sareng kapikir, 

mun teu acan kapendak, kumaha bisana harti. 

Malah dalil 

Antal Mautu, Qoblal Mautu kapanggih, 

hartina bisa ngarasa, 

paeh samemeh mati, 

Aya paeh memeh pupus, naonnana anu mati, 

mun nyawana anu wafat, atuh moal balik deui, 

gumelar deui ka dunya, 

 kade kaliru, 

sanes nyawana anu mati, sategesna rasa nyawa, 

nu paeh sama sakali, 

ari rasa nyawa eta, 

sategesna nafsu dohir. 

Dina waktu eukeur kitu, 

teu inget ka anak rabi, sumawon ka harta banda, 

diri ge teu kapieling, 

wungkul cengeng 

ka dzat Allah, 

ninggal ku sajero ati. 

Kitu mun teu mafhum, 

eta anu saperkawis, 

nu kadua perkawisna, 

kudu ngersakeun misti, 

dina nyerina sakarat,

jalan paeh ke diakhir.

[20/12/2021 22:05] Aing: ning ceuk basa karuhun, 

ka anakna ngaweweling, 

he barudak kudu bisa, nganjang ka pageto misti, supaya maneh waluya, sangkan lampah ati-ati. 

Geura pek emutan, 

eta saur sepuh tadi, 

nu bener kabina-bina, 

ning ayeuna kapanggih, 

bet aya dina hadistna, babandingan basa tadi. 

Nyaeta 

Antal Mautu, Qoblal Mautu kapan teu beda maksudna, kudu paeh memeh mati, sihoreng sangkan baroga, kasieun engke di ahir. 

mun geus ngarasa pupus, sasat geus ngarasa nyeri, ngarasa rasa sakarat, 

piraku rek liwar teuing, ngajujur laku ma’siat, 

da aya kasieun mah pasti. 

Jeung nambahan 

kana suhud, 

milampah parentah Nabi, rukun Islam anu lima, 

tah kitu jadina , 

Nagara ge tangtu aman, sabab geus boga pamilih. 

Mun geus junun 

ka Yang Agung, 

laku dohir ge dipilih, 

moal sagala disorang, memeh prak tangtu dipikir, tangtu dianjangan heula, dicipta-cipta ku ati. 

Ibaratna karep nafsu, 

niat hayang maling duit, barang-barang upamana, 

mun urang inget tadi, 

kana saur sepuh tea, 

yen kudu inget di ahir. 

Nganjang kapageto kudu, tangtu ku urang dipilih, 

naha kumaha jadina, 

lamun nurut nafsu tadi, maling banda anu lian, salametna jeung balai. 

bener mun geus kitu mah, nafsu goreng teh kajaring, sasat geus aya pagerna,

nu kuat kaliwat saking. 

sifat 20,  dibagi deui ku 4, 1.Nafsiah

2.Salbiah 

3.Ma’ani  

4.Ma’nawiyah  

ngarana nu opat tadi, 

jeung barang-barangna, 

kudu kaharti, 

Nafsiah nyaeta nafas, 

sifatna irung nu bukti. 

Salbiah paninggal  

sifatna soca nu bukti, 

Ma’ani pangdangu, 

sifatna nyaeta cepil, 

Ma’nawiyah pangucap, sifatna baham pasti. 

Mung  eta nu opat tadi, sabaraha bagiannana, 

naha beda naha sami, 

bagian hiji-hijina,

[20/12/2021 22:07] Aing: NERANGKEUN SIFAT 20

DIBAGI 4 SARENG DITERANGKEUN 

DINA BARANG-BARANGNA ANU NYATA

[20/12/2021 22:23] Aing: kieu mun can harti, 

bagian hiji-hijina, 

tangtu beda teu sami, 

Nafsiah mah ngan sahiji, bagiannana teh 

Salbiah, lima teu salah deui, 

Ma’ani mah tujuh 

Ma’nawiyah bagian ge tujuh 

mung naon sababna kitu, 

mana bet teu sarua, 

 

Nurutkeun kuma buktina, barangna sahiji-hiji, 

tangtu bae teu sarua, 

da sifatna ge teu sami, baham 

soca 

cepil, 

pangambung  

malah pagaweana, ge ning bukti teu sami, 

soca cepil 

baham angseu 

beda-beda. 

Nafsiah. 

Sahiji bagiannana, 

Salbiah lima geus pasti, Ma’ani tujuh teu lepat, 

Ma’nawiyah tujuh deui, 

tah eta bukti, barangna

dina baham dina soca, 

dina pangambung jeung cepil, geus tangtu kanyataan nana beda. 

Ulah ngan tuduh apungan, mun hayang sidik, ulah kabar ulah beja,mun hayang sidik bukti, supaya ulah taklid, ngan ngandel ka beja wungkul, 

nyaurkeun dina bab ngilmi, caritana beres luis, 

dalil Qur’an Hadis kitu, 

dupi pek dipataroskeun mah, ngaraoskeun nana dalil, 

jeung dipenta mana pibarangeunnana. 

Sok buntu teu ngajawab, rajeun oge mere harti 

dijawab deui ku basa, 

dalil dijawab ku dalil, 

sanes dijawab ku bukti, 

atuh ati teh nalapung, 

teu kaharti teu karasa, 

ngan apal asmana badis, ngaji omong atuh 

moal aya tungtungna. 

eta urang buktikeun 

sing sidik, dina perkawis 

Nafsiah, 

bagiannana ngan hiji, 

ning sifatna ge hiji, 

nyatana eta pangambung, 

irung urang teu dua, 

kitu nyatana mah, 

nu mawi ngan hiji

bagiannana. leres nyata pan, 

Nafsiah hiji, dina hal bagiannana, 

ayeuna Salbiah   

eta barangna, nu mawi lima nyatana dina barangna teh

[20/12/2021 22:41] Aing: eta dina soca, 

aya 5 perkawis, 

barangna nu bukti, 

geura urang itung, 1.bobodasna soca,  2.hihideungna deui,   3.kokonengna tina soca. 

4.beubeureumna soca 

5.heherangna panon sidik, tah geuning bukti, 

5 barang jadi gulung, 

kawasana Gusti Allah, 

dina saban-saban jinis, tangtu pisan aya bae 

rasiahna. 

sing kaharti, sing karasa 

da aya barangna, 

Ma’ani,

eta naon barangna, 

nu nyata dina cepil, 

nu mawi tujuh bagiannana. 

eta dina cepil

itung etalelegokna cepil, 

pan eta sidik lelegokna cepil tujuh, katujuh jeung liangna, moal aya mubadir, 

pangna lalegok tangtu 

aya sababna. 

  

tah kitu bab Ilmi, sauranna

dibuktikeun jeung barangna. 

Ma’nawiyah, 

naon barangna nu bukti, 

tujuh bagiannana

supaya gulung pisan, 

sifat 20 tadi, 

ngagulungna kanu 4

sing karasa. 

Ma’nawiyah 

numawi bagiannana 7

eu salah deui, geus tangtu aya bukti, 

moal catur teu puguh, 

geus tangtu aya barangna, 

1.anu nyata, 

   nyaeta ngaranna biwir, 

   biwir nu ti handap, 

2.biwir,anu luhur, 

3.gugusi nu tiluhur tea bukti, 4.gugusi beulah ti handap. 

5.lalangit,anu ti handap, 

6.lalangit,ti luhur, 

7.ditengah letah sahiji. 

  

pan aya bukti sidik pisan katinggali, eta dina jero baham, bet kaliwat hiji deui, naha lali, aya hiji nu kalarung, naha bet diliwat, 

naha bodo-bodo teuing, 

bet manah make kaliru, 

pan eta huntu , 

datangna ge pandeuri, sanggeus urang 

kaasupan aci dunya.

[20/12/2021 22:55] Aing: Ari balik pangheulana, 

aya dalil, 

Iqro kitabaka dalil, 

kafa binafsika  

Alyauma ‘alaika Hasiba 

sundana nu kamasyhur, 

yen wajib pisan manusa 

ngaji teh kudu ngajinis, nyaeta ngaji saadeging badan. Ulah ngaji luar badan, matak ngajauhkeun Gusti, 

teu ngarasa babarengan, siang wengi ngangliputi, 

eta kitu, sageusna 

maca daluang, 

terus ngaji luang , 

nyaeta rasakeun daluang tea. 

Dihartikeun dilenyepan, dirarapkeun kana diri, 

sing cocog jeung sareatna, hakekatna mah geus pasti, aya didiri pribadi, 

nu matak kudu diemut, kalawan make tarekat, sangkan bisa ma’rifati. 

Sareat sareng hakekat, tarekat ma’rifat 

teu beunang dipisah-pisah, 

kudu gulung jadi hiji, 

boh dina lakon agami, sumawonna dina ilmu, 

kudu gulung nu 4 , 

sabab manusa ge ning, sampurna bisa gumelar 

di dunya. 

Taya lain ngan ku 4 

1.pangucap 

2.pangangseu 

3.paninggal 

4.pangdangu  

jadi mun kurang 1, 

teu sampurna urang hirup, komo mun kurang 2, 

pinasti moal katepi, 

sumawonna kurang 3 

nyucud pisan. 

sing kaharti ku ati, sing sumarambah kana bayah, geus sumurup kana kalbu, 

ari eta sifat 20

saterasna manawi aya kebatna, salangkungna tinu tadi, nu geus dipisaur, 

masih teras eta sifat teh, pasal sifat 20 

lajengna 

jadi aksara, 

sabab aksara ge pasti, meunang nyutat tina 

adeging manusa. 

kumaha  nu mawi, 

didamel deui aksara, 

sifat 20 tadi, 

keur dameleun naon deui, 

eta pikeun ngaunikeun Qur’an, wetna Agama sabumi, jalan jalma ibadah 

ka Gusti Allah. 

Jeung pikeun ngamankeun dunya, 

sangkan manusa didohir, hirupna bisa waluya, 

repeh rapih jeung sasami, anu mawi aya Agami, 

bakat

[21/12/2021 11:14] Aing: ti ka asihna Yang Agung, ngamulyakeun ka manusa, 

ti dunya nepi ka batin, 

diunggulkeun tina 

sasama mahlukna. 

tah singa kahartos kana pimaksudeunnana aksara, 

bari cukup ku hurup nu  20 pikeun ngaunikeun Qur’an, 

cukup moal nya kurang. 

malah 17 aksara, hakekatna mah ku sakitu oge cekap, 

ari nu umum mah 30 hurup eta mah rangkepannana. 

Bibitna mah 20 bae pasti, lantaranna sifat 20 tadi, sifatna Gusti Yang Widi, 

teu kurang oge langkung, moal enya ngaleuwihan, 

ti sifatna maha suci, 

seueur soteh eta mah rangkepannana. 

harti, huruf Qur’an 17

eta aya sumurupna, 

katerangannana 

nu mawi ku 17 cukup 

teu kurang teu leuwih, 

tapi eta tehhakekatna , hakekatna eta huruf, 

sareatna mah teu salah, 

aya 30 bukti, 

kieu kateranganna. 

ning dina sembahiyang, 

dina sapoe sapeuting, 

ngan 17raka’at,

teu kurang teu leuwih, 

malah rukunna ge 17 

tah geuning dina ibadah, 

ku 17 ge mahi, 

tarekatna 

nyusul anu 3 sifat. 

nu 3 sipat teh nu disusul 

ku tarekat, ku 17raka’ati, 

nya nyusul  

 

1.Dzatna Gusti Alloh, 

2.Sifatna Gusti Alloh 

3.Asmana Gusti Alloh ta’ala. 

Asmana nu hiji tea, 

nu mahi ka tujuh bumi, 

tujuh langit sadayana, 

tah eta anu diberik, 

nu mawi Qur’an ge, 

hurupna teh ngan sakitu, 

hakekatna 17, 

nyaeta nyusul nu tadi, 

Dzat, Sifatna Asmana 

Alloh ta’ala. 

Kanyataan aksarana, 

anu 3 teh , nu teu aya 

dina Qur’an, 

1.aksara Ca  

2.aksara Nya 

3.aksara Nga 

tah eta anu teu aya, 

dina Qur’an teu ditulis, 

hakekat dzat sifat asmana Alloh. 

Atawa 

Allah Muhammad,Adam , 

tah eta nu diteangan, 

diberikna kunu tadi, 

ku tarekatna Agami, 

nyaeta dina waktu,anu 5

dina sapoe sapeuting, 

kapan raka’atna eta 17 

kade sing kapaham, 

pasal tarekat agami, 

dina waktu lima, 

dina sadinten sawengi, 

17 raka’ati,

teu kurang teu punjul, 

sing kapanggih, 

dzat sifat asmana alloh ta'ala

[21/12/2021 11:35] Aing: Akbar na sing kapendak, 

ari ibadah ti leuleutik, 

teu ninggalkeun waktu 5, 

bingun na liwat saking, 

najan dicipta ku ati, 

weleh bae teu ka emut, anggur hate ambariang, 

cus cos ka sagala rupi, 

duh naha kumaha 

atuh kudu na. 

Sangkan sampurna ibadah, ulah gawe tanpa hasil, 

aya Hadist, 

mun amal teu reujeung ilmu, batal teu jadi amalna, 

bukti ning, 

bet teu raos karaosna, 

ku dirina. 

mantak bingung rasana, tandana jadi teu beresih 

nya manah, 

jadi mang-mang ati ge, 

mun hayang bersih, 

ibadah ka Maha Agung, 

prak geura teangan, 

tarekat na Ilmu Wali, 

mun ka pendak 

geus tangtu bisa ma’ripat. 

Buktikeun hurup aksara, 

nu 17 tadi, 

teangan dina salira, 

jalan tarekatna Ilmi, 

pikeun nyusul anu tadi, 

Dzat Sipat Asma 

Yang Agung, 

tanwande bisa kapendak, katinggal ku rasa jati, mimitina teangan nu 17 

Da moal enya bet beda, 

jeung tarekatna Agami, pada-pada 17, 

ngan aya beda saeutik, 

dina migawena, 

ari ku tarekat ilmu, 

nu 17 aksara, 

eta bareng dipakena

dina waktu waktu na 

Nu mawi bisa ma’ripat, 

kana jatining Agami, 

tah kitu sababna, 

pang na kudu ma’ripat jati, sangkan urang keur di dohir, sampurna ibadah , 

ngalakonan rukun Islam, parentahna Kangjeng Nabi, alus pisan daek amal 

jeung elmuna. 

tarekat ilmi, 

pasal hurup nu 3 

huruf Ca Nya  Nga, 

nu teu aya dina Qur’an, 

naha naon margi na, 

pang teu aya na

eta teh bibit, 

bibitna sagala rupa, 

nu langgeng teu owah gingsir, dzat sipat asmana gusti Allah jeung 

Muhammad Rasul, Adam  bibit Nabi 

bibit Wali,  

eta aksara,nu 3 Ca nya Nga cecekna paek geura itung, aya sabaraha jumlahna, 

gening 9 

3~3 dina sahiji aksara. 

Tah eta 

hakekatna para Wali, sareatna geuning aya, 

di Cirebon geus bukti, 

Wali salapan 

Wali tunggal kasapuluhna 

hakekat teh 

tangtu aya 

sare’at.

[21/12/2021 11:50] Aing: nu bieu mah hakekat, nyandak tina huruf tulis, 

ari hakekatna, 

Wali di diri pribadi, 

pan kudu ngajinis, 

ngaji sa adegan wujud, 

aya nyatana, 

hakekatna para Wali, 

dina ieu saadegan wujud 

pek bilang cecek na 

badan urang liangna diri,  nyata pisan, 

liang-liang di jasmani, 

nu dilihur 7 jeung 

2 dihandap. 

Kasapuluh Wali tunggal, tunggalna wujud pribadi, 

 

ma’nana Wali teh hartina

pangurusna hal agama. 

Wawakilna rasulullah, 

ma’nana Wali, 

nyatana eta pangurus, 

sing rumasa, diurus 

beurang jeung peuting, 

pan sidik nu ngurus diri 

eta 9 liang. 

ning mun hayang dahar, diurus ku baham pasti, 

kitu deui hayang ninggal, diurus ku panon bukti, hayang ngangseu 

diurus ku irung, 

hayang ngadenge ge nyata, diurus ku cepil 

kiih ngising diurus 

ku liang handap. 

Wali teh wawakil Gusti, wawakilna Rasulullah, 

eta ge bener 

naha eta liang tadi, 

lain wawakilna Rasul,  

nyaeta rasa, 

rasa teh pan gaib, 

nu bukti mah 

panon cepil irung baham. 

leres pan teu tebih ti diri, 

ku bawaning nya ngahiji, sagala rupa teh kumpul, arasup ka wujud urang, 

kana saadeging diri, 

teu ingkah teu ical ti salira.