NERANGKEUN DZATULLAH, SIFATULLAH, ASMA’ULLAH, AF’ALULLAH

[21/12/2021 15:59] Aing: 

NERANGKEUN 

DZATULLAH, SIFATULLAH, 

ASMA’ULLAH, AF’ALULLAH 

luarna heula, 

nyaeta luareun diri pribadi, meh jentre tuluy kana jasad, tos beres dina jasad 

tuluy, kana hakekat na 

sabab mo beda saeutik. 

Luarna ngaran 

1.Dzatullah, 

nyaeta 

alam ieu anu ngawengku, 

nu ngawengku alam dunya,  

2.Sifatullah, 

nya ieu caang 

satungkebing langit, 

sabab tadi ge Yang Agung, hiji dzatna hiji sifatna, 

mahi kabeh ngaangliput, 

teu aya anu kaluar, tina dzatna Maha Suci. 

hal caang teh eta ngan hiji, saalam dunya katutup, 

3. Asma’ullah 

1.seuneu geus nyata, 

2.angina 

3.cai 

4.bumi, 

tah eta Asma Yang Agung, hiji mahi kasadaya, 

sabab eta nu opat  

jadi huruf, jadi lafad 

Asma Allah, 

Alif Lam Lam He . 

4.Af’alullah 

 nyatana hawa, 

nu ngahirupkeun sabumi. 

Ayeuna kana diri pribadi,   

1.Dzatullah 

sanyatana dina diri, 

buktina badan sakujur, 

nu ngawengku kaayaan, tek-tek bengek kaayaan 

dina wujud, 

2.Sifatullah 

eta rupa urang,

[21/12/2021 19:34] Aing: pangwajibna nyiar ilmi, 

neangan pangarti tangtu, 

tina poek hayang caang, 

4.Af’alullah 

nyatana nu dumuk,

dina badan, nya Nafas urang 

 

Enya eta Af’alullah, 

sareatna anu aya dina diri, nafas nu kaluar asup, 

wawayangan hirup tea, 

nu ngawengku nguatkeun sakabeh wujud, 

eta nu jadi tihangna, 

taya nafas tangtu mati. 

palebah dinya, wajib pisan 

ku urang kudu kaharti, 

nafas teh 

kamana atuh, 

tinggal dangu sareng ucap, mun kaluar tepi kamana 

nya dumuk, 

mun kajero sumawonna, dimana enggonna ngancik. 

Moal leungit tanpa sabab, tangtu bae aya tempatna geus pasti, 

atuh kumaha akalna, sangkan urang kaharti. 

kapan tadi 

Gusti Allah sifat adil, buktina nurutkeun ilmu, 

sareat sareng hakekat, tarekat jeung ma’rifatu, 

eta teh perjalanan, 

jalan manusa baralik. 

Kana asalna baheula, 

tempat roh urang 

keur waktu di kadim, 

keur dina qudratullahu, 

numatak ayeuna urang, 

kudu daek ikhtiar 

neangan ilmu, 

neangan ilmu ma’rifat, 

ma’rifat ka asal tadi. 

Sangkan puguh pangbalikan, ulah teu puguh piloseun 

nya balik, 

teu puguh nu dijugjug, 

atuh mun teu puguh mah, 

nu dijugjug 

jadina teh usrak-asruk, tungtungna saha nu nyambat, didinya teh urang cicing. 

Kumaha lamun disambat, 

ku Siluman ku Onom 

atawa Jin, nu mara kayangan 

atuh tangtu cilakana, 

najan urang bebekelan nyuhun nanggung, 

nyaeta beunang ibadah, 

keur waktu tadi di dohir. 

mun teu aya tempat, 

hak pribadi 

atuh bebekelan tadi, 

teu aya tempatn, 

balatak taya wadahna, 

nyaah temen urut tisusut 

ti dungdung, hese cape ngalakonan, 

ibadah di alam dohir. 

Kitu upamana, 

nu matak urang teh 

sing ati-ati, 

enggoning ibadah 

kudu jeung ma’rifatna, 

kana asal urang 

keur waktu kapungkur, 

jaman keur di qudratullah, pangbalikan nu sajati. 

umumna teh 

lolobaha jalmi-jalmi, 

ibadah anu ti payun, 

nyaeta ibaratna, 

keur kukumpul keur engke pibekeleun wangsul, 

mulih ti pangumbaraan, 

nya ieu ti alam dohir. 

Tapi keur pikeun tempatna, piwadaheun bebekelan nu tadi, sok tara pisan diemut, sumawonna dianjangan, 

sok neumbleuhkeun kumaha bae Yang Agung, 

ana kitu nyieun bujang, 

ka Gusti nu Maha Suci. 

pan tadi Gusti Allah, 

Kun Fayakun 

geus nteu nungtut deui, 

mahi kusakali tangtu, 

kari-kari manusa, 

bet neumbleuhkeun deui 

ka Gusti Yang Agung, 

nyieun purah-purah pisan, kapan tadi geus maparin.

[21/12/2021 19:48] Aing: ngayakeun Naraka, 

jeung Sawarga lain keur sangaja Gusti, ngaganjar sareng ngahukum, 

ngahaja pikeun manusa, 

mun kitu 

Allah teh tukang ngahukum, sinareng tukang ngaganjar, saperti bangsa hawadis. 

yen Gusti nu Maha Agung, pang ngayakeun Sawarega, jeung Naraka lain keur baris 

ngahukum, atawa ngaganjar, manusa di dohir batin. 

Sategesna Gusti Allah, 

ngan ngayakeun 

geunah teu geunah 

geus pasti, 

bareng jeung ngayakeun mahluk, 

sumawonna alam dunya,

ning kitu sidik adilna 

Yang Agung, 

lain sangaja keur nyiksa, ngan bareng ngayakeun jadi. 

pan ku urang karasa, 

ayeuna ge keur aya keneh 

di dohir, 

mun nyieun susah ka batur, nganyerikeun pada jalma, malik deui ka urangna 

eta tangtu, 

karasa hanteu ngeunahna, sabalikna mun nyieun

kahadean, ka sasama 

papada kaula Gusti, 

ka urangna ge geus tangtu, malik jadi kangeunahan, 

ning sidik sawarga naraka 

dijieun ku urang sorangan, tina tekad laku jalmi. 

Sanajan di akheratna, 

pang ayana naraka sawargi, bawana ti dunya tangtu, sabawana-sabawana, sewang-sewangan 

kumaha tekad jeung laku, waktuna di alam dunya, 

sa Ilmu-ilmuna tadi. 

perkawis Allah mah, 

ngan netepkeun sabandana-sabandana tadi, 

bawana ti dunya 

mun mawa kagorengan, kajadian ngan jadi 

teu ngeunah wungkul, 

mun mawa kahadean, kajadian ngeunah deui. 

Mun mawa kasampurnaan, nya jadina sampurna  

balik ka asal kapungkur, kumaha bae elmuna, 

da kabeh ge tunggal ilmuna Yang Agung, 

moal ditampik ku Allah, kamana ge anu aing. 

dina pangbalikan jalma, 

kumaha ilmuna tadi, 

geus moal sulaya deui, 

Dzatullahi, 

hakekatna can didadar. 

Tadi karek di luarna, 

kuma kajerona deui, Dzatullah 

Sifatullah, 

Asma’ullah  

Af’alullah 

panasaran langkung, 

hayang tepi ka jucungna, 

ulah kapambeng hawatir, mangga urang dadarkeun

[21/12/2021 20:23] Aing: HAKEKATNA 

hakekatna eta Dzatullah, 

nya eta rasa

Sifatullah 

nyaeta nu padang mulus, caang padang narawangan, Jatining Sahadat   

Sagarana hirup.

Sifatullah anu tadi, 

dina keur waktu tarekat, 

keur narik ilmu dzat   

Asma’ullah   

ari eta Asma’ullah, 

Nur Muhammad geus pasti, nya eta cahya anu opat tea. 

1.Narun cahyana beureum 2.Hawaun  cahyana koneng 

    tur bening, 

3.Ma’un cahyana bodas. 

   mulus, 

4.Turobbun cahyana hideung 

eta nu ngaran Asma’ullah. 

Eta anu opat warna, 

jadi huruf opat rupi, 

nya eta Alif Lam Lam, He 

nu kaopatna deui, ning sidik Asma Gusti, Lafad Allah 

nu saestu, 

eta ge kapendakna, 

dina waktu keur ngalakonan 

Ismu Dzat. 

sing kapendakna,dina saban ngalakonan wajib, 

sing bisa kapendak  jeung sagara Adam 

enya eta tempat kasampurnaan jasad. 

4. Af’alullah 

nyatana awasna ingdalem ingdalem waktu Tajali, 

nya eta Af’al Allah Ta’ala. 

pasal Kangjeng Rasul, 

Kangjeng NabiMuhammad, 

kacapangan jalmi-jalmi, 

sok disebat awal akhir 

ku sadaya. 

Sarengna sok disebat, 

Jeng Nabi panutup 

ma’nana basa nu tadi, 

kudu kaharti, 

da moal luarna wungkul, 

meureun aya kajerona, 

aya buktina nu karasa 

ku ati urang sadaya. 

pasal Nabi urang, 

pang disebut awal akhir, 

atuh puguh bae 

pan tadi ge diluhur,didadar, hakekatna Muhammad Nabi, bibit tujuh bumi tujuh langit 

Beh dieuna oge nyata, sanggeus aya Adam Nabi, sinarengan Babu Hawa, bibit 

ngaluarkeun jalmi, tetep bae Kangjeng Nabi, 

Muhammad 

Rasulullahu, 

jadi awal jeung akhirna,

[21/12/2021 20:41] Aing: Tangtuna patemon rasa, kapan rasa teh  

hakekatna Rasulullah, 

mun taya rasa mah 

moal kaluar Mani, 

dua-duana ge luput, 

ari eta mani teh, 

Hakekat Adam geus pasti, sidik pisan Adam teh 

sorot Muhammad. 

Nya eta sorotna rasa, 

barang eta mani tadi, 

lila-lila teh mangrupa, 

jadi sirah dada udel suku  sidik jadi lafad 

sirah nyaeta mim 

dada teh jadi He 

udel eta jadi Mim akhir 

Suku teh jadi lafad Dal, 

ning eta sidik, ngajadi 

lafad Muhammad, 

ahirna rasa nu tadi, 

nya eta rupana jalmi, 

nu mawi eta disebut, 

Muhammad jadi wiwitan, jeung jadi wekasan , 

atawana awal ahir 

disebutna. 

Kanjeng Muhammad sinelir, dibasakeun awal akhir teh 

geus nyata. 

Sinarengan aya basa, panutup eta Jeng Nabi,  

panutup soteh ilmuna, 

nu opat geus kasungsi, 

nya eta 

sare’at sareng hakekat. 

Tarekatna dipilampah, 

jalan ma’rifat ka Gusti, 

tepi ka sapatinggalna, 

jeung Gusti nu Maha Suci, 

nu matak pangkatna Nabi, Muhammad Rasulullahu, 

da geus ma’rifat ka Allah, 

kitu sababna 

aya basa opat deui, 

1.Ihkrom

2.Mi’raj  

3.Munajat 

4.Tubadil 

hartina kumaha

dimana pernahna 

nya eta keur solat sajati  

eta basa, nyumponannana sareatna mah di Mekkah, kunu rek marunggah Haji, hakekatna mah aya 

di pulo Jawa ge tangtu, 

geus tangtu pisan ayana, mun can ngarti, 

nya eta keur solat sajati tea. 

Kieu katerangannana, 

1.Ihkrom  

hartina teh peta-peta, 

tekad seja rek indit, 

mun diibaratkeun paksi, manuk arek niat ngapung, geus dibeberkeun jangjangna, ngan teu di kiplik-kiplik, 

2.Mi’raj 

eta,geus jeung ngapung ngalayang. geus ninggalkeun alam dunya, lat poho ka 

alam dohir, 

3.Munajat 

hartina geus munggah 

ka alam batin, 

rek nepi kanu dijugjug, 

4.Tubadil 

hartina teh geus tepi 

kanu diseja. 

Sapatinggal sapocapan, kaula kalawan Gusti, 

geus ngancikdikalanggengan, dina Baetullah suci, 

Baetullah nu sajati, 

nu lain di kulon kidul, 

lain dikaler di wetan, 

jeung teu keuna ruksak, 

enya eta kiblat 

nyawa nu sampurna.

[22/12/2021 00:56] Aing: naon sifatna Baetullahi, Baetullah nu sajatina, rakana nya eta Dzat Yang Widi, sifatna teh padang alus, 

Johar awal, 

sagara hurip 

pikeun kiblat dina waktu 

wafat teh. 

Sabab eta, kiblat wafat, 

wajib ku urang disungsi, 

bisi jadi marakayangan, 

nyawa urang teu nepi, 

teu bisa mulih ka jati, 

pulang ka asal kapungkur, 

atuh pantes arek aya 

Naraka siksaan diri, 

sababna teh 

utrak-atrok taya jalan. 

matak meungpeung di dunya, sing suhud urang milari, milari jalanna wafat, 

sangkan nyawa bisa mulih, geura beuli ku prihatin, sangkana bisa kasusul, 

sabab rugi pisan, 

kudu reujeung kentel peujit, barang dahar ulah sok sakama-kama. 

Talunganan bab ibadah, 

teu sakumaha rugi, 

da aya patokannana, 

nyaeta Qur’an jeung Hadis, didinya geus mahi, 

ngan kari suhudna wungkul, suhud ngapalkeunnana, jeung prakna nyembah ka Gusti, 

ari jalan maot mah 

sejen aturan. 

Da eta mah panungtungan, panungtungan nu kumelip, tungtungna teh kedah wafat, nu ibadah oge sami, 

sareng nu teu Gumusti, 

teu ibadah ka Yang Agung, teu burung wae wafat mah, sareatna oge sami, sadayana pada aya sakaratna. 

Tah dilebah dinya, 

ku urang kudu kapikir, 

kudu sing ka ilmu pisan, 

kumaha sabab pang sami, pada sakarat bukti, 

nu ma’siat, jeung nu suhud, suhud kana ibadahna, 

mana atuh anu tepi, 

mangga jawab ku sorangan 

sugan kapikir.... 

anu ibadah anu tepi, 

ngan make lalakon heula, 

nyorang siksa tilu rupi, 1.nyorang sakarati, 

   nu nyerina kalangkung, 

2.siksa kubur 

3.siksa akherati, dina waktu 

   kiamat alam dunya. 

Lila-lila oge bisa, mungguh kasawarga deui, 

dupi nu teu ibadah, 

tetep langeng eta misti, 

di Naraka api pasti, l

anggeng taya wates , 

ngan utamana nu kumaha paeh teh nu sampurna. 

utamana anu mati, 

ulah nyorang ku siksaan, 

sumawonna tilu kali, 

sakali ge alim teuing, 

kumaha petana, 

sangkan ulah bisa nepi, 

kana eta siksaan Allah 

Ta’ala. 

kapan tadi geus didadar, 

numatak urang teh wajib, kudu ma’rifat  kana 

Dzatna Maha Agung, 

enya eta supaya urang, 

engke dina waktu keur mati, ulah nyorang kana siksaan sakarat.

[22/12/2021 01:09] Aing: Sumawon siksa akherat, 

tah kitu ganjaran ngilmi, jeung anu daek ibadah, 

nurut parentah Nabi, 

mun kitu atuh utami, 

daek ibadah tur suhud, kalawan ma’rifatna, 

kana Dzat Maha Suci, 

tah nu kitu moal 

nyorang siksaan. 

dina aturan bab ilmi, 

sing nepi kaharti sing nyurup kana ati, kade kaliru, 

tegesnailmu kabatinan, kasampurnaan keur batin, nya ayeuna ilmu Cirebon 

timbulna. 

Ayeuna kantun ngajaga, 

laku dohir sing beresih, 

amal ibadah beresan, 

imankeun beurang jeung peuting, 

supaya urang di dohir, 

bisa salamet rahayu, 

ulah keuna panca baya, sabab mun keuna balai, 

osok jadi moekan kana Agama. 

ayeuna mah ngan kantun ngajaga lampah, satungtung hirup di dohir, sumawona tekad sing bersih, 

ulah pasea jeung batur, sumawona bangsa sorangan, najan sejen bangsa ge ulah pisan urang arek goreng tekad. 

Urang hirup babarengan, 

da sarua umat Gusti, 

pada dadamelan Allah, 

mun urang ngewa ka jalmi, sami sareng ngewa deui, kanu ngadamelna 

persasat ngewa ka Allah, sumawonna tekad dengki, boga tekad hayang nyiksa pada jalma. 

Mun kitu mah nyucud pisan, kalebet nu ngaran kafir, kajeun dina bangsa Islam, kapan ceuk hakna mah geuning, kafir lain Cina Bugis, teu beunang dituduh kitu, sategesna kafir teh 

nu jahat atina ayana teh 

dina saantero bangsa. 

Sabab mun jahat atina, kapada manusa deui, 

sami jahat ka Pangeran, 

anu ngersakeun sabumi, pan ceuk Qur’an jeung Hadis, manusa teh geus disebut, anu pang mulya-mulyana, didamelna ku Yang Widi, 

dibedakeun jeung saantero mahlukna. 

kumaha beda-bedana, antara Mahluk jeung Khaliq, 

 perkara nu ngaran makhluk, 

sakur-sakur nu nyareat, 

bukti nu aya dohir, 

nu jarentul sajeroning 

alam dunya. 

Najan ieu alam dunya, seuneu cai angina bumi, makhluk bae disebatna, 

sanjan Naraka Sawargi, 

lebet makhluk bae  

 

ari Khaliq, nu mana jinisna 

nu saleresna. 

nu ngaran Khaliq mah 

eta mah bibitna dunya, 

bibit antero hawadist, 

nya anu kasebat tadi, 

nu geus kaunggel

[22/12/2021 01:14] Aing: nya eta Nur Muhammad, cahya nu opat perkawis, beureum 

koneng 

bodas

hideung  

Nu langgeng teu keuna 

ku ruksak, 

hakekatna Adam    

Gusti Allah 

nu sifat Rahman Rahim, 

Rahman teh murah di dunya, Rahim Allah teh nu asih, 

di aherat  

tah eta ceuk dalil 

ayeuna hayang karasa murahna Allah di dohir, 

nu mana nyatana di badan urang.